ରାଜସ୍ଥାନ ରାଜନୀତି : ୧୦୨ ବିଧାୟକଙ୍କ ସମର୍ଥନ ତାଲିକା ନେଇ ରାଜ୍ୟପାଳଙ୍କୁ ଭେଟିଲେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ
ଜୟପୁର : ରାଜସ୍ଥାନରେ ରାଜନୈତିକ ଘଟଣାକ୍ରମରେ ପୁଣି ଥରେ ନାଟକୀୟ ପରିବର୍ତ୍ତନ ଆସିଛି । ଭାରତୀୟ ଆଦିବାସୀ ପାର୍ଟି (ବିଟିପି)ର ଦୁଇ ଜଣ ବିଧାୟକ ଗେହଲଟ ସରକାରଙ୍କୁ ସମର୍ଥନ କରିବା ପରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ କିଛି ସମୟପୂର୍ବରୁ ରାଜ୍ୟପାଳ କଲରାଜ ମିଶ୍ରଙ୍କୁ ଭେଟି ସରକାରକୁ ସମର୍ଥନ କରୁଥିବା ୧୦୨ ବିଧାୟକମାନଙ୍କ ତାଲିକା ପ୍ରଦାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ମାସରେ ହୋଇଥିବା ରାଜ୍ୟସଭା ନିର୍ବାଚନରେ ବିଟିପିର ବିଧାୟକମାନେ କଂଗ୍ରେସ ସପକ୍ଷରେ ଭୋଟ ଦେଇଥିଲେ ମଧ୍ୟ ଚଳିତ ରାଜନୈତିକ ସଂକଟ ବେଳେ ନିରପେକ୍ଷ ରହିବାକୁ ତାଙ୍କ ଦଳ ହ୍ବିପ ଜାରି କରିଥିଲା । କିନ୍ତୁ ଏବେ ଏହି ଦଳର ଦୁଇ ବିଧାୟକ ରାଜକୁମାର ରୋଟ ଓ ରାମକୁମାର ସରକାରକୁ ସମର୍ଥନ ଦେବାକୁ ଘୋଷଣା କରିଛନ୍ତି । ଏହି ଦୁଇ ବିଧାୟକ ଏକ ସାମ୍ବାଦିକ ସମ୍ମିଳନୀରେ ସରକାରକୁ ସମର୍ଥନ ଦେବା ବିଷୟରେ ଘୋଷଣା କରିଥିଲେ । କେତେକ ସର୍ତ୍ତ ସହ ସେମାନେ ଏହି ସମର୍ଥନ ଦେଇଛନ୍ତି ।
ରାଜସ୍ଥାନ ବିଧାନସଭାରେ ମୋଟ ୨୦୦ ଜଣ ବିଧାୟକ ଥିବାବେଳେ ସରକାର ବଞ୍ଚାଇବାକୁ ୧୦୧ ବିଧାୟକଙ୍କ ସମର୍ଥନ ଜରୁରୀ । ଏବେ କଂଗ୍ରେସ ପଛରେ ୧୦୨ ବିଧାୟକଙ୍କ ସମର୍ଥନ ଥିବାରୁ ସରକାର ପ୍ରତି ବିପଦ ହଟିଯାଇଥିବା କୁହାଯାଉଛି । ଏସବୁ ବିଧାୟକମାନେ ଜୟପୁରର ଫେୟାରମଣ୍ଟ ହୋଟେଲରେ ରହୁଛନ୍ତି ।
ସେପଟେ ସଚିନ ପାଇଲଟଙ୍କ ପଛରେ ୧୮ ଜଣ କଂଗ୍ରେସ ବିଧାୟକଙ୍କ ସମର୍ଥନ ରହିଛି ।