କେଉଁଠି ଲେଖା ହୋଇଛି ଯେ କେବଳ ବିଜେପିକୁ ଭୋଟ ଦେଉଥିବା ଲୋକ ହିନ୍ଦୁ : ଗେହଲୋଟ୍
ଜୟପୁର : ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଶୁକ୍ରବାର ଭାରତୀୟ ଜନତା ପାର୍ଟି (ବିଜେପି)କୁ ଟାର୍ଗେଟ କରି ପ୍ରଶ୍ନ କରିଛନ୍ତି ଯେ ବିଜେପିକୁ ଯିଏ ଭୋଟ୍ ଦେବ ସେ ହିନ୍ଦୁ ହେବ ବୋଲି କେଉଁଠି ଲେଖା ଯାଇଛି। ଏଥିସହିତ ଗେହଲଟ ଯୁବକମାନଙ୍କୁ ନିବେଦନ କରିଛନ୍ତି ଯେ ସେମାନେ ବିକାଶ ଚାହୁଁଛନ୍ତି ନା କେବଳ ଲୋକଙ୍କୁ ଉତ୍ତେଜିତ କରୁଥିବା ପ୍ରସଙ୍ଗ ଚାହୁଁଛନ୍ତି ତାହା ସ୍ଥିର କରନ୍ତୁ। ନାଥଦ୍ୱାର (ରାଜସମନ୍ଦ)ରେ ହଳଦୀଘାଟି ଯୁବ ମହୋତ୍ସବର ଉଦଘାଟନୀ ସମାରୋହରେ ଯୋଗଦେଇ ଗେହଲଟ ଏହା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଜେପିକୁ ଟାର୍ଗେଟ କରି ସେ କହିଛନ୍ତି, ଧର୍ମ ନାଁରେ, ଜାତି ନାଁରେ ଲୋକଙ୍କୁ ଉତ୍ତେଜିତ କରିବା ପାଇଁ ଏହା କୌଣସି ନା କୌଣସି ପ୍ରସଙ୍ଗ ଆଣୁଛନ୍ତି । ସମସ୍ତେ ହିନ୍ଦୁ… ଆମେ କ’ଣ ହିନ୍ଦୁ ନୁହଁ? ବିଜେପିକୁ ଭୋଟ୍ ଦେଉଥିବା ଯିଏ ହିନ୍ଦୁ ହେବ ବୋଲି କେଉଁଠି ଲେଖା ଯାଇଛି? ଏହା କେଉଁଠି ଲେଖାଯାଇଛି? ଯଦି ଆପଣ ବିଜେପିକୁ ଭୋଟ୍ ଦିଅନ୍ତି, ତେବେ ସେମାନେ ଆମକୁ ସାର୍ଟିଫିକେଟ୍ ଦେବେ ଯେ ଆପଣ ଜଣେ ହିନ୍ଦୁ? ଆପଣ ଯଦି ବିଜେପିକୁ ଭୋଟ୍ ଦେବେନି. ତାହାଲେ କଣ ହେବ ? ଗଣତନ୍ତ୍ରରେ କେହି ବିଜେପିକୁ ଭୋଟ୍ ଦିଅନ୍ତି, କେହି ଭୋଟ୍ ଦିଅନ୍ତି ନାହିଁ। ଏଭଳି ସ୍ଥିତିରେ ଯେଉଁମାନେ କଂଗ୍ରେସକୁ ଭୋଟ୍ ଦେବେ ସେମାନଙ୍କୁ ସେମାନେ କ’ଣ କହିବେ?
ଯଦି ଆପଣ ବିଜେପିକୁ ଭୋଟ୍ ଦିଅନ୍ତି ତେବେ ସେମାନେ ଭାବୁଛନ୍ତି ଯେ ଆମେ ହିନ୍ଦୁ, ଯେଉଁମାନେ ଭୋଟ୍ ଦେଉନାହାଁନ୍ତି ସେମାନେ ହିନ୍ଦୁ ନୁହଁନ୍ତି, ସେମାନେ ଏହି ସଂଜ୍ଞା କେଉଁଠୁ ପାଇଲେ ? ଏହା ଦେଶର ସ୍ୱାର୍ଥରେ ନୁହେଁ।