ଭାରତ ଇଞ୍ଚେ ବି ଜମି ହରାଇନାହିଁ : ସେନାମୁଖ୍ୟ
ନୂଆଦିଲ୍ଲୀ : ଗତ ବର୍ଷ ଭାରତ ଓ ଚୀନ ସେନା ମଧ୍ୟରେ ହୋଇଥିବା ସଂଘର୍ଷରେ ଭାରତ ଇଞ୍ଚେ ବି ଜମି ହରାଇନାହିଁ ବୋଲି ସେନାମୁଖ୍ୟ ଜେନେରାଲ ଏମଏମ ନାରାଓ୍ବାଣେ କହିଛନ୍ତି । ଚୀନ ସହ ହୋଇଥିବା ୯ ସ୍ତରୀୟ କୋର କମାଣ୍ଡର ବୈଠକ ପରେ ଚୀନ ସେନା ପୂର୍ବ ଲଦାଖରୁ ପଛକୁ ହଟିଥିଲା ଓ ତା’ପରଠାରୁ ଉକ୍ତ ଅଞ୍ଚଳରେ ଶାନ୍ତି ରହିଛି ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏକ ସମ୍ବାଦ ସରବରାହ ସଂସ୍ଥାକୁ ସାକ୍ଷାତକାର ଦେଇ ସେ କହିଛନ୍ତି ଯେ ଗତ ଫେବ୍ରୁଆରି ୧୦ରେ ସୈନ୍ୟ ପ୍ରତ୍ୟାହାର ପ୍ରକ୍ରିୟା ଆରମ୍ଭ ହୋଇଥିଲା । ସେବେଠାରୁ ଯୋଜନା ଅନୁସାରେ ସୈନ୍ୟପ୍ରତ୍ୟାହାର ଚାଲିଛି । ପେଙ୍ଗୟାଂ ସୋର ଉତ୍ତର ଓ ଦକ୍ଷିଣ ପଟୁ ଓ କୈଳାଶ ରେଂଜରେ ମୁତୟନ ଥିବା ସୈନ୍ୟମାନେ ନିଜ ନିଜର ନିକଟତମ ସ୍ଥାନୀୟ ଶିବିରକୁ ଚାଲିଗଲେଣି । ଏଣୁ ମୁହାଁମୁହିଁ ଅବସ୍ଥାରେ ଥିବାବେଳେ ଯେଉଁ ବିପଦର ଆଶଙ୍କା ଥିଲା ତାହା ଏବେ ଦୂରୀଭୂତ ହୋଇଛି । କିନ୍ତୁ ଚୀନକୁ ଭାରତ ଇଞ୍ଚେ ବି ଜମି ଛାଡ଼ିନାହିଁ । ଆମେ ପୂର୍ବରୁ ଯେଉଁଠି ଥିଲୁ ଏବେ ବି ସେଇଠି ରହିଛୁ ବୋଲି ସେ କହିଛନ୍ତି ।