ଫିଲ୍ମ‘ଗଜ୍ନୀ’ରୁ ଅନୁପ୍ରାଣିତ ହୋଇ କରିଥିବା କାମ ଶେଷରେ ସାହାଯ୍ୟକୁ ଆସିଲା, ଘରକୁ ଫେରି ପାରିଲା ହଜିଲା ପୁଅ
ମୁମ୍ବାଇ : ବେଳେ ବେଳେ ଫିଲ୍ମରେ ଦେଖାଯାଇଥିବା ଦୃଶ୍ୟଗୁଡ଼ିକ ବାସ୍ତବ ଜୀବନରେ ଦେଖିବାକୁ ମିଳିଥାଏ । କିଛି ଲୋକ ଏହାକୁ ଅସଲ ଜୀବନରେ ଘଟିବ ବୋଲି ଭାବି ନ ଥାନ୍ତି । ବେଳେ ବେଳେ କିଛି ଲୋକ ଫିଲ୍ମରେ ଦେଖା ଯାଇଥିବା ସମାଧାନକୁ ନିଜ ବାସ୍ତବ ଜୀବନରେ ହେଉଥିବା ଅସୁବିଧାର ସମାଧାନ କରିବା ପାଇଁ ବ୍ୟବହାର କରିଥାନ୍ତି । ସେଭଳି ଏକ ଘଟଣା ଦେଖିବାକୁ ମିଳିଛ ମହାରାଷ୍ଟ୍ରର କୁର୍ଲାରେ । ଯେଉଁଠି ଜଣେ ବାପା ଆମିର୍ ଖାନ୍ଙ୍କ ଫିଲ୍ମ ‘ଗଜନୀ’ରୁ ଅନୁପ୍ରାଣିତ ହୋଇ ନିଜ ସମାଧାନର ବାଟ ବାହାର କରିଥିବା ବେଳେ ତାହା ଏବେ ତାହା ଫଳପ୍ରଦ ହୋଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୁର୍ଲାରେ ରହୁଥିବା ଭେଙ୍କଣ ଜଣେ ବସ ଚାଳକ ହୋଇଥିବା ବେଳେ ତାଙ୍କ ପୁଅ ଶିବାଙ୍କର ଭୁଲିବାର ରୋଗ ରହିଥିଲା । ‘ଗଜ୍ନୀ’ରେ ଆମିରଙ୍କୁ ଯେଉଁ ରୋଗ ହୋଇଥିଲା ଶିବା ସେହି ରୋଗର ଶିକାର ହୋଇଥିବା ଜାଣି ଭେଙ୍କଣଙ୍କ ଜଣେ ସାଙ୍ଗ ଫିଲ୍ମରେ ଆମିର ଯାହା କରୁଥିଲେ ତୁମେ ମଧ୍ୟ ତାହା କର ବୋଲି ଉପଦେଶ ଦେଇଥିଲେ । ସବୁ ଜିନିଷ ଭୁଲି ଯାଉଥିବାରୁ ଆମିର ନିଜ ଶରୀରରେ ସବୁ ସୂଚନା ଲେଖି ରଖୁଥିବା ବେଳେ ଭେଙ୍କଣ ମଧ୍ୟ ସେଭଳି ନିଜ ପୁଅ ଶିବା ହାତରେ ୫-୬ବର୍ଷ ପୂର୍ବରୁ ଘରର ଫୋନ୍ ନମ୍ବର ଟାଟୁ କରାଇ ଦେଇଥିଲେ । କିନ୍ତୁ ତାଙ୍କୁ ଜଣା ନଥିଲା ତାଙ୍କର ଏହି ସମାଧାନର ବାଟ ସତରେ ଏତେ ଫଳପ୍ରଦ ହେବ । କିଛି ଦିନ ତଳେ ଶିବା ଘରକୁ ଫେରୁଥିବା ବେଳେ ସ୍କୁଲ ବସ୍ରୁ ଓହ୍ଲାଇ ଲୁଚି ପଳାଇଥିଲେ । ଯାହା ପରେ ତାଙ୍କର କୌଣସି ପତ୍ତା ମିଳି ନଥିଲା । କିଛି ସମୟ ପରେ ଧନୟା ଯାଦବ ନାମ ଜଣେ ଟିସି ଭେଙ୍କଣଙ୍କୁ ଫୋନ କରି ଶିବା ଗୁରୁ ତେଗ୍ ବାହାଦୁର ନଗର ରେଳ ଷ୍ଟେସନ(ଜିଟିବିଏ)ରେ ତାଙ୍କ ପାଖରେ ଥିବା କହିଥିଲେ ।
ଏହା ଶୁଣି ଭେଙ୍କଣ ସେଠାରେ ପହଞ୍ଚି ଶିବାଙ୍କୁ ଉଦ୍ଧାର କରିଥିଲେ । ଉଦ୍ଧାର ପରେ ଧନୟାଙ୍କୁ ପୂରା ଘଟଣା ପଚରାଯିବା ପରେ,ଶିବାଙ୍କୁ ଏକା ଦେଖି ମୁଁ ତାଙ୍କ ପାଖକୁ ଯାଇଥିଲି । କିନ୍ତୁ ସେ ମୋତେ ଦେଖି କାନ୍ଦିବାକୁ ଲାଗିଥିଲେ । ପରେ ମୁଁ ଏବଂ ଆଉ ଜଣେ ଯାତ୍ରୀ ତାଙ୍କୁ ବୁଝାଇବା ସହ ତାଙ୍କ ହାତରେ ଏକ ନମ୍ବର ଟାଟୁ କରାଯାଇଥିବା ଦେଖିଥିଲୁ । ସେ ନମ୍ବରରେ ଫୋନ କରିବା ପରେ ନମ୍ବରଟି ତାଙ୍କ ବାପାଙ୍କର ବୋଲି ଜଣା ପଡ଼ିଥିଲା ବୋଲି କହିଥିଲେ ଧନୟା ।