ପୁରୁଷ ବନ୍ଧୁଙ୍କ ଦ୍ବାରା ନିଜ ଝିଅର ଦୁଷ୍କର୍ମ କରାଉଥିଲେ ମାଆ, ଦେହ ବ୍ୟବସାୟରେ ଲଗାଇବାକୁ କରିଥି‌ଲେ ଯୋଜନା

ନୂଆଦିଲ୍ଲୀ: ଗାଜିଆବାଦରେ ସାମ୍ନାକୁ ଆସିଛି ଏକ ଲଜ୍ଜାଜନକ ଘଟଣା। ଜଣେ ମାଆ ନିଜର ୧୦ ବର୍ଷର ଝିଅକୁ ତାଙ୍କର ବନ୍ଧୁଙ୍କ ଦ୍ୱାରା ବାରମ୍ବାର ଦୁଷ୍କର୍ମ କରାଉଥିବା ଅଭିଯୋଗ ହୋଇଛି। ସେ ନିଜ ଝିଅକୁ ଦେହଜୀବୀ ହେବାକୁ ବାଧ୍ୟ କରି ନିଜର ପୁରୁଷ ବନ୍ଧୁଙ୍କ ସହ ସଂପର୍କ ରଖାଉଥିଲେ। ସେହି କଥାକୁ ଲୁଚାଇ ରଖିବାକୁ ସେ ଝିଅକୁ ନିର୍ଯାତନା ବି ଦେଉଥିଲେ। ଝିଅଟିର ଏକ ୧୩ ବର୍ଷୀୟା ଭାଇକୁ ବି ମହିଳାଙ୍କ ପୁୁରୁଷ ବନ୍ଧୁ ଜଣକ ଯୌନ ନିର୍ଯାତନା ଦେଇଥିବା ଅଭିଯୋଗ ହୋଇଛି।

ପୁଲିସ ଅଧିକାରୀ କହିଛନ୍ତି ଯେ, ଏହି ଅତ୍ୟାଚାରକୁ ଆଉ ସହ୍ୟ କରିନପାରି ନାବାଳିକା ଜଣକ ଜାନୁଆରି ୨୦ ତାରିଖରେ ଗାଜିଆବାଦରେ ନିଜ ଘର ଛାଡି ଦିଲ୍ଲୀ ରାସ୍ତାରେ ବୁଲୁଥିବା ଦେଖିବାକୁ ମିଳିଥିଲା। ତାଙ୍କୁ ଦିଲ୍ଲୀ ପୁଲିସକୁ ହସ୍ତାନ୍ତର କରାଯାଇଥିଲା, ଯିଏ ତାଙ୍କୁ ଶିଶୁ କଲ୍ୟାଣ କମିଟିର ଦାୟିତ୍ୱ ଦେଇଥିଲେ। ନାବାଳିକାଙ୍କ ଡାକ୍ତରୀ ପରୀକ୍ଷଣରୁ ଜଣାପଡିଛି ଯେ ତାଙ୍କୁ ଏକାଧିକ ବାର ଦୁଷ୍କର୍ମ କରାଯାଇଛି।
ନାବାଳିକା ଜଣକ ଅଧିକାରୀମାନଙ୍କୁ କହିଥିଲେ ଯେ ତାଙ୍କ ପିତାଙ୍କର ଚାରି ବର୍ଷ ପୂର୍ବେ ମୃତ୍ୟୁ ହୋଇଥିଲା ଏବଂ ସେବେଠାରୁ ତାଙ୍କ ମାଆ ନିଜ ବାପଘରେ ରହୁଥିଲେ। ଗତ ବର୍ଷ ତାଙ୍କ ମାଆ ତାଙ୍କ ସହ ତାଙ୍କ ଭାଇଙ୍କୁ ଗାଜିଆବାଦସ୍ଥିତ ନିଜ ବାପଘରକୁ ନେଇଥିଲେ। ସେଠାକୁ ଯିବା ପରେ ନାବାଳିକା ଜଣକ ବାରମ୍ବାର ମାଆଙ୍କ ପୁରୁଷ ବନ୍ଧୁଙ୍କ ଦ୍ବାରା ନିର୍ଯାତନାର ଶିକାର ହୋଇଥିଲେ। ତାଙ୍କ ୧୩ ବର୍ଷୀୟ ଭାଇ ମଧ୍ୟ ସମାନ ସମସ୍ୟାର ସାମ୍ନା କରିବାରୁ ଘର ଛାଡ଼ି କେଉଁଆଡ଼େ ପଳାଇ ଯାଇଥିଲେ।

ଗାଜିଆବାଦର ଲୋନି ସୀମା ପୁଲିସ ଷ୍ଟେସନର ଜଣେ ଅଧିକାରୀ କହିଛନ୍ତି ଯେ ଶିଶୁର ମା ଏବଂ ତାଙ୍କ ବନ୍ଧୁଙ୍କୁ ଗିରଫ କରାଯାଇଛି। ମାଆ ହୋଇ ନିଜ ପିଲାକୁ ଦେହ ବେପାରରେ ଲଗାଇବାକୁ ଚାହୁଁଥିଲେ।