ସ୍କୁଲର ଶୌଚାଳୟରେ ନିଜର ହାତ କାଟିଦେଲେ ଯୁବତୀ, କାରଣ ପଚରାଯିବା ପରେ କହିଲେ; ମୁଁ ଜାଣି ନାହିଁ କ’ଣ ପାଇଁ ଏମିତି କଲି…
କୋଲକାତା : କୋଲକାତାରେ ଥିବା ଏକ ଘରୋଇ ସ୍କୁଲର ଛାତ୍ରୀ ଆତ୍ମହତ୍ୟା ଉଦ୍ୟମ କରିଥିବା ନେଇ ଖବର ମିଳିଛି । ଏ ଘଟଣା ପରେ ସ୍କୁଲର କର୍ମଚାରୀ ପୀଡ଼ିତାଙ୍କୁ ଡ଼ାକ୍ତରଖାନା ନେଇଥିଲେ । ତାଙ୍କର ଚିକିତ୍ସା ପରେ ଏବେ ପୀଡ଼ିତାଙ୍କୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଏ ନେଇ ସ୍କୁଲ କର୍ତ୍ତୃପକ୍ଷ ଯାଞ୍ଚ କରୁଥିବା ବେଳେ ପୀଡ଼ିତା ଘଟଣାକୁ ନେଇ ଏକ ଅଜବ ବୟାନ ଦେଇଛନ୍ତି । ମୋ ସହିତ ଏମିତି କ’ଣ ହେଲା ଯେ ମୁଁ ଏଭଳି ପଦକ୍ଷେପ ନେଲି । ତାହା ମୁଁ ଜାଣି ନାହିଁ ବୋଲି କହିଛନ୍ତି ପୀଡ଼ିତା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୋଲକାତାରେ ଥିବା ବଲ୍ଲିଗଞ୍ଜ ଶିକ୍ଷା ସଦନରେ ପଢ଼ୁଥିବା ପୀଡ଼ିତା ହଠାତ ମଙ୍ଗଳବାର ସ୍କୁଲର ଶୌଚାଳୟକୁ ଯାଇ ନିଜର ହାତ କାଟି ଦେଇଥିଲେ । ଏ ନେଇ ସ୍କୁଲର ପ୍ରଶାସନକୁ ଖବର ମିଳିବା ପରେ ତୁରନ୍ତ ପୀଡ଼ିତାଙ୍କୁ ଉଦ୍ଧାର କରାଯାଇ ତାଙ୍କ ଚିକିତ୍ସା କରାଯାଇଥିଲା । ଚିକିତ୍ସା ପରେ ପୀଡ଼ିତା ମାନସିକ ରୋଗ ପାଇଁ ଚିକିତ୍ସିତ ହେଉଥିବା ସାମ୍ନାକୁ ଆସିଲା । ଯାହା ପାଇଁ ସେ ଏଭଳି ପଦକ୍ଷେପ ନେଇଥିବା କହିଛନ୍ତି ସ୍କୁଲର ପ୍ରିନ୍ସିପାଲ ସୁଦେଶନା ବାନାର୍ଜି ।