‘ବାପା ତୁମେ ଥିଲେ କେହି ଖୁସିରେ ରହିପାରିବେନି’ ଲେଖି ଛାତତଳକୁ ଡେଇଁପଡ଼ିଲେ ଯୁବତୀ
ଗାଜିଆବାଦ: ମାନସିକ ଚାପ ସହିନପାରି ଆତ୍ମହତ୍ୟା କଲେ ଜଣେ ୨୫ ବର୍ଷୀୟ ଫ୍ୟାଶନ୍ ଡିଜାଇନର୍ | ଉତ୍ତରପ୍ରଦେଶ ଗାଜିଆବାଦର ରାଜନଗର ଏକ୍ସଟେନ୍ସନରେ ଥିବା କେଡବ୍ଲୁ ସୃଷ୍ଟି ସୋସାଇଟିରେ ସୋମବାର ରାତି ପ୍ରାୟ ୮ଟା ସମୟରେ ଏକାଦଶ ମହଲାରୁ ଡେଇଁ ଯୁବତୀ ଜଣକ ଆତ୍ମହତ୍ୟା କରିଛନ୍ତି | ନନ୍ଦଗ୍ରାମ ପୁଲିସ ସୂଚନା ପାଇ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା। ପୁଲିସର ସୂଚନାନୁସାରେ, ମୃତ ଯୁବତୀ ଜଣକ ଡାଏରୀରେ ଏକ ସୁଇସାଈଡ଼ ନୋଟ ଲେଖିଛନ୍ତି ଯେଉଁଥିରେ ସେ ପରିବାର ଓ ଚାକିରିର ଚାପ ବିଷୟରେ ସେ ଉଲ୍ଲେଖ କରିଛନ୍ତି। ମୃତ ଯୁବତୀଙ୍କ ନାମ ଆୟୁଷି ଦୀକ୍ଷିତ ବୋଲି ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
ପୁଲିସର ସୂଚନା ମୁତାବକ ମେରଟର ବାସିନ୍ଦା ସତୀଶ ଦୀକ୍ଷିତ ପତ୍ନୀ ଆଶା, ବଡ଼ ଝିଅ ଶ୍ରୁତି, ସାନ ଝିଅ ଆୟୁଷି ଏବଂ ପୁଅ ନିକିଶ ସହ ଫ୍ଲାଟ ନମ୍ବର ୧୧୦୧ ରେ ରହୁଥିଲେ | ଆୟୁଷି କଙ୍ଗରା, ହିମାଚଳରୁ ଫ୍ୟାଶନ ଡିଜାଇନିଂ ପାଠ୍ୟକ୍ରମ ପଢିବା ପ୍ରାୟ ତିନି ବର୍ଷ ଧରି ନୋଏଡାଠାରେ ଏକ ଫ୍ୟାଶନ ଡିଜାଇନର୍ ଭାବେ କାମ କରୁଥିଲେ | ପୁଲିସର ସୂଚନାନୁସାରେ, ସୋମବାର ଦିନ ଫ୍ଲାଟରେ ଆୟୁଷି ଓ ତାଙ୍କ ମା ଥିଲେ। ରାତି ପ୍ରାୟ ଆଠଟା ବେଳେ ଆୟୁଷି ବାଲକୋନୀରୁ ତଳକୁ ଡେଇଁପଡ଼ିଥିଲେ |
ଏହା ପରେ ଘଟଣାସ୍ଥଳରେ ଲୋକଙ୍କ ଗହଳି ଦେଖିବାକୁ ମିଳିଥିଲା ଓ ପୁଲିସକୁ ଖବର ଦିଆଯାଇଥିଲା | ଏହା ପରେ ପୁଲିସ ଘଟଣାସ୍ଥଳରୁ ମୃତଦେହ ସହ ଏକ ଆତ୍ମହତ୍ୟା ନୋଟ ଜବତ କରିଛି। ଯେଉଁଥିରେ ସେ ତାଙ୍କ ପିତାଙ୍କ ବିଷୟରେ କିଛି ଲେଖିଛନ୍ତି | ସେ ଲେଖିଛନ୍ତି ଯେ ବାପା ତୁମେ ଥିଲେ କେହି ଖୁସିରେ ରହିପାରିବେନି | ଏହା ସହିତ ଚାକିରିର ଚାପ ବିଷୟରେ ମଧ୍ୟ ଉଲ୍ଲେଖ କରାଯାଇଛି |