ଫେସ୍ବୁକ୍ ଓ ହ୍ୱାଟ୍ସ୍ଆପ୍ରେ ଘୂରିବୁଲୁଛି ଭାଇରାଲ୍ ଭିଡିଓ : ବିସିଜିକୁ ନେଇଥିଲେ କୋଭିଡ୍-୧୯ କବଳରୁ ୭୫% ସୁରକ୍ଷିତ
ନୂଆଦିଲ୍ଲୀ: ଫେସ୍ବୁକ୍ ଓ ହ୍ୱାଟ୍ସ୍ଆପ୍ରେ ଗୁଜବ ଘୂରିବୁଲିବା ସାଧାରଣ କଥା ହୋଇସାରିଛି। ଏବେ ସିରିୟାରେ ଏମିତି ଏକ ବାର୍ତ୍ତା ଘୂରିବୁଲୁଛି ଯେ ଯଦି ଆପଣ ବିସିଜି ଟିକା ନିକଟ ଅତୀତରେ ନେଇଛନ୍ତି, କରୋନା ସଂକ୍ରମଣକୁ ଡରିବା ଦର୍କାର ନାହିଁ। ବାସିଲ୍ଲେ କାଲ୍ମେଟ୍ଟେ-ଗୁଏରିନ୍ ବା ବିସିଜି ଟିକା ସାଧାରଣତଃ ସାରା ବିଶ୍ୱରେ ଶିଶୁମାନଙ୍କୁ ଦିଆଯାଉଛି ଯକ୍ଷ୍ମା (ଟିବି) ବିରୋଧରେ ଶରୀରକୁ ଶକ୍ତିଶାଳୀ କରିବା ପାଇଁ। ୨୦୦୫ ମସିହା ପର୍ଯନ୍ତ ଏହି ଟିକା ବ୍ରିଟେନ୍ରେ ମାଧ୍ୟମିକ ବିଦ୍ୟାଳୟ ଛାତ୍ରଛାତ୍ରୀଙ୍କୁ ଦିଆଯାଉଥିଲା। ବ୍ରିଟେନ୍ରେ ଏବେ ବି ଯଦି କେହି ଯକ୍ଷ୍ମା ସଂସ୍ପର୍ଶରେ ଆସିବାର ସନ୍ଦେହ ହେଲେ ଏହି ଟିକା ନେଉଛନ୍ତି। ତେବେ ଆରବୀ ଭାଷାରେ ଏମିତି ଏକ ବାର୍ତ୍ତା ଖୁବ୍ ପ୍ରଚାରିତ ହୋଇଯାଇଛି ଯେ ଯଦି ଆପଣଙ୍କ ହାତରେ ସେଇ ବିସିଜି ଟିକାର ଗୋଲ ଚିହ୍ନ ଅଛି, ତେବେ ଆପଣ କୋଭିଡ୍-୧୯ କବଳରୁ ୭୫% ସୁରକ୍ଷିତ।
Sambad is now on WhatsApp
Join and get latest news updates delivered to you via WhatsApp
ଚିକିତ୍ସା ବିଜ୍ଞାନ ଆଧାରରେ ଏ ବାର୍ତ୍ତାର କୌଣସି ପ୍ରମାଣ ନଥିଲେ ସୁଦ୍ଧା ହଠାତ୍ ଏହି ଟିକାର ଚାହିଦା ବଢ଼ିଯାଇଥିବାରୁ, ପ୍ରକୃତରେ ଆବଶ୍ୟକ କରୁଥିବା ଶିଶୁମାନଙ୍କ ପାଇଁ ଏହି ଟିକା ଅଭାବ ପଡ଼ିପାରେ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ ଆଶଙ୍କା ପ୍ରକାଶ କରିଛି। ଏହି ଟିକା ଉତ୍ପାଦନ କରୁଥିବା ଜାପାନ ମଧ୍ୟ ସେଇ ସମାନ ଆଶଙ୍କା ଜଣାଇଛି। ସେମିତି ଆଉ ଏକ ଭିଡିଓ ଘୂରିବୁଲୁଛି ଯେ ଏକ କରୋନାଭୂତାଣୁ ଚୀନ୍ର ଉହାନ୍ର ଏକ ବିଜ୍ଞାନାଗାରରେ ତିଆରି ହୋଇଛି ଏବଂ ଦୁର୍ବଳ ନିରାପତ୍ତା କାରଣରୁ ତାହା ଲିକ୍ ହୋଇଯାଉଛି। ହେଲେ ଏବେ ସୁଦ୍ଧା ଏହାର କୌଣସି ସତ୍ୟତା ପ୍ରମାଣିତ ହୋଇନାହିଁ। ଭୟାବହ କଥାଟି ହେଲା, ଭାରତର ଗବେଷକମାନେ ଏପରି ରହସ୍ୟ ଠାବ କରିଛନ୍ତି ବୋଲି ସେଇ ଭିଡିଓରେ କୁହାଯାଇଛି।
ଫେସ୍ବୁକ୍ରେ ଏଇ ଭିଡିଓ ଏତେ ଲୋକପ୍ରିୟ ହୋଇଯାଇଥିଲା ଯେ ବିଜ୍ଞାପନ ରାଜସ୍ୱରୁ ବିପୁଳ ଧନ ହାସଲ କରିଥିଲା। ଫେସ୍ବୁକ୍ କର୍ତ୍ତୃପକ୍ଷ ଏହାକୁ ଅନୈତିକ କାରବାର ଦର୍ଶାଇ ଗତ ଅଗଷ୍ଟରେ ବନ୍ଦ କରିଦେଇଥିଲେ। ସେମିତି କଲମ୍ବିଆର ଏକ ନ୍ୟୁଜ୍ ଚ୍ୟାନେଲ ଦେଖାଇଥିଲା ଯେ କରୋନାଭୂତାଣୁ ବିଶ୍ୱମହାମାରୀ ଏକ ଜାଲ୍ ପ୍ରଚାର ଏବଂ ବାସ୍ତବରେ ଏକ ପ୍ରହସନ। ଏଇ ଭିଡିଓ ଗତ ମାସରେ ଜାରି ହୋଇଥିବା ବେଳେ ଏବେ ସୁଦ୍ଧା ୧ କୋଟି ୮୦ ଲକ୍ଷ ଥର ଦର୍ଶକମାନେ ଦେଖିସାରିଲେଣି ଏବଂ ଏବେ ବି ଫେସ୍ବୁକ୍ରେ ଶେୟାର କରିବାରେ ଲାଗିଛନ୍ତି। ଲୋକମାନେ କାହିଁକି ଅସୁସ୍ଥ ହୋଇପଡୁଛନ୍ତି, ସେ ପ୍ରସଙ୍ଗରେ ଭିଡିଓ ଉପସ୍ଥାପକ କିଛି କହିନାହାନ୍ତି। ଅଥଚ ସେ କହୁଛନ୍ତି ଯେ ଏଚ୍ଆଇଭି ମିଛ ବୋଲି ସେ ଏକଦା ଦାବି କରିଥିଲେ, ଯାହା ପ୍ରମାଣିତ ହୋଇସାରିଛି।