କରୋନା ସଂକ୍ରମଣ ବୃଦ୍ଧିକୁ ଦେଖି ୧୫ଦିନିଆ କର୍ଫ୍ୟୁ ଘୋଷଣା କଲେ ଗୋଆ ସରକାର
ପାଣାଜୀ: କରୋନା ସଂକ୍ରମଣ ବୃଦ୍ଧିକୁ ଦେଖି ଗୋଆରେ ୧୫ଦିନ କର୍ଫ୍ୟୁ ଜାରି କରିବେ ଗୋଆ ସରକାର | ଏହି କର୍ଫ୍ୟୁ ରବିବାରଠାରୁ ଆରମ୍ଭ ହୋଇ ୧୫ଦିନ ପର୍ଯ୍ୟନ୍ତ ବଳବତ୍ତର ରହିବ | କର୍ଫ୍ୟୁ ସମୟରେ ଅତ୍ୟାବଶ୍ୟକ ସେବା ଯୋଗାଉଥିବା ଦୋକାନଗୁଡ଼ିକ ସକାଳ ୭ଟାରୁ ଦିନ ୧ଟା ପର୍ଯ୍ୟନ୍ତ ଖୋଲା ରହିବ | ସକାଳ ୭ ଟାରୁ ସନ୍ଧ୍ୟା ୭ଟା ମଧ୍ୟରେ ଖାଦ୍ୟ ବିତରଣକୁ ଅନୁମତି ଦିଆଯିବ |
Sambad is now on WhatsApp
Join and get latest news updates delivered to you via WhatsApp
ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ଲକଡାଉନ ବିଷୟରେ ଚିନ୍ତା କରୁଥିବା ନେଇ ଖବର ଆସିବାର ଗୋଟେ ଦିନ ପରେ ଆଜି ଗୋଆରେ ୧୫ଦିନ କର୍ଫ୍ୟୁ ଜାରି ହେବ ବୋଲି ସରକାର ଘୋଷଣା କରିଛନ୍ତି |
ଗୁରୁବାର ଦିନ, ଗୋଆରେ ସର୍ବାଧିକ ୩,୮୬୯ କୋଭିଡ-୧୯ ସଂକ୍ରମିତ ଚିହ୍ନଟ ହୋଇଥିଲେ | ନୂତନ ସଂକ୍ରମିତଙ୍କୁ ମିଶାଇ ଗୋଆରେ ଏବେ ମୋଟ ୧,୦୮,୨୬୭ ସଂକ୍ରମିତ ରହିଛନ୍ତି | ୩,୮୬୯ କୋଭିଡ-୧୯ ସଂକ୍ରମିତ ଚିହ୍ନଟ ସହ ୫୮ ଜଣ ରୋଗୀଙ୍କ ମୃତ୍ୟୁ ପରେ ମୋଟ ମୃତ୍ୟୁ ସଂଖ୍ୟା ୧,୫୦୧ରେ ପହଞ୍ଚିଛି।