କଂଗ୍ରେସ ବିଧାୟକଙ୍କୁ ମାଙ୍କଡ କହିଲେ ଗୋଆ ଉପମୁଖ୍ୟମନ୍ତ୍ରୀ
ପାଣାଜୀ: କର୍ଣ୍ଣାଟକର ରାଜନୈତିକ ନାଟକକୁ ନେଇ ଏବେ ସାରା ଦେଶରେ ଚର୍ଚ୍ଚା ଜୋର ଧରିଛି | ଗୋଟିଏ ପଟେ କୁମାରସ୍ବାମୀ ସରକାର ଅସନ୍ତୁଷ୍ଟ ବିଧାୟକଙ୍କୁ ମନାଇବାକୁ ଲାଗିପଡିଥିବାବେଳେ ଅନ୍ୟପଟେ ବିଏସ ଏଦୁରପ୍ପା କ୍ଷମତା ହାସଲ କରିବାକୁ ମନ ବଳାଇ ବସିଛନ୍ତି | ତେବେ ଏହାକୁ ନେଇ ଗୋଆର ଉପ ମୁଖ୍ୟମନ୍ତ୍ରୀ ବିଜୟ ସରଦେଶାଇ କହିଛନ୍ତି ଯେ କଂଗ୍ରେସ-ଜେଡିଏସ ବିଧାୟକ ହେଉଛନ୍ତି ମାଙ୍କଡ | ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଡେଇଁବାରେ ଲାଗିପଡିଛନ୍ତି ବୋଲି ବିଜୟ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
କଂଗ୍ରେସର ୧୦ ଜଣ ବିଧାୟକ କଂଗ୍ରେସ ଛାଡି ବିଜେପିରେ ଯୋଗ ଦେବାକୁ ଚର୍ଚ୍ଚା ନେଇ ସେ ଏଭଳି ଟିପ୍ପଣୀ ଦେଇଛନ୍ତି | ଗୋଆରେ ବିଜେପି ସହ ଗଠବନ୍ଧନ କରିଥିବା ଗୋଆ ଫରୱାର୍ଡ଼ ପାର୍ଟିର ମୁଖ୍ୟ ବିଜୟ ସରଦେଶାଇ ଏକ କାର୍ଯ୍ୟକ୍ରମରେ କହିଛନ୍ତି ଯେ କଂଗ୍ରେସ ଦଳରେ ବହୁତ ମାଙ୍କଡ ଅଛନ୍ତି ଯିଏ କି ଅନ୍ୟ ଦଳକୁ ଡେଇଁବାକୁ ପ୍ରସ୍ତୁତ ହୋଇ ରହିଥାନ୍ତି |
କର୍ଣ୍ଣାଟକର ୧୩ ବିଧାୟକ ଇସ୍ତଫା ଦେବା ପରେ କୁମାର ସ୍ୱାମୀ ସରକାରର ସବୁ ୩୨ ଜଣ ମନ୍ତ୍ରୀ ମଧ୍ୟ ଇସ୍ତଫା ଦେଇସାରିଛନ୍ତି | ପ୍ରଥମେ କଂଗ୍ରେସର ୨୨ ଜଣ ମନ୍ତ୍ରୀ ଇସ୍ତଫା ଦେଇଥିଲେ ଏହାପରେ ଜେଡିଏସର ୧୦ ଜଣ ମନ୍ତ୍ରୀ ମଧ୍ୟ ଇସ୍ତଫା ଦେଇଥିଲେ |