କରୋନା ପ୍ରଭାବରେ ଦେଶର ସୁନା ବଜାର ହେଲା ପ୍ରଭାବିତ; ୧୦ ଗ୍ରାମ୍ ପ୍ରତି ମୂଲ୍ୟରେ ହ୍ରାସ ଘଟିଲା ୨%
ମୁମ୍ବାଇ/ ନୂଆଦିଲ୍ଲୀ: କରୋନାର ପ୍ରଭାବ ଦେଶର ସୁନା ବଜାରକୁ ମଧ୍ୟ ପ୍ରଭାବିତ କରିଛି। ସଂପ୍ରତି କରୋନା ଦେଶର ଅର୍ଥନୀତିକୁ ଗଭୀର ଭାବେ ପ୍ରଭାବିତ କରିଥିବା ବେଳେ ଏହାର ପ୍ରଭାବ ଦେଶର ସୁନା ବଜାର ଉପରେ ମଧ୍ୟ ପଡ଼ିଥିବା ଦେଖିବାକୁ ମିଳିଛି। ୧୦ ଗ୍ରାମ ପ୍ରତି ସୁନା ମୂଲ୍ୟରେ ଗତକାଲି ତୁଳନାରେ ଆଜି ୨ ପ୍ରତିଶତର ହ୍ରାସ ଘଟିଛି।
Sambad is now on WhatsApp
Join and get latest news updates delivered to you via WhatsApp
ଗତକାଲି (ମଙ୍ଗଳବାର) ଦେଶରେ ୧୦ ଗ୍ରାମ ପ୍ରତି ସୁନା ଦର ୪୦, ୭୫୦ ଟଙ୍କା ରହିଥିବା ବେଳେ ଆଜି (ବୁଧବାର) ୧୦ ଗ୍ରାମ ପ୍ରତି ସୁନାର ମୂଲ୍ୟ ରହିଛି ୩୯,୩୫୪ ଟଙ୍କା। ୧୦ ଗ୍ରାମ ପ୍ରତି ସୁନାର ମୂଲ୍ୟରେ ୮୯୦ ଟଙ୍କା ଅର୍ଥାତ୍ ୨.୨୧ ପ୍ରତିଶତ ହ୍ରାସ ଘଟିଥିବା ଦେଶର ସ୍ୱର୍ଣ୍ଣ ବ୍ୟବସାୟୀ ମହାସଂଘ (ଆଇବିଜେଏ) ପକ୍ଷରୁ କୁହାଯାଇଛି।
#IBJA’s indicative #Retail selling #Rates for #Gold #Jewellery
To get these rates on your phone give a missed call on – 8955664433 pic.twitter.com/8qfUyYfSA1— IBJA (@IBJA1919) March 18, 2020
ଅନ୍ତର୍ଜାତିକ ବଜାର ସମେତ ଏବେ ଷ୍ଟକ ବଜାରର ସୂଚକାଙ୍କରେ ହ୍ରାସ ଘଟୁଥିବାରୁ ଏପ୍ରକାରର ପରିସ୍ଥିତି ସୃଷ୍ଟି ହୋଇଥିବା କହିଛି ଆଇବିଜେଏ।