ଲାଡଲି ବହେନ-ଅଙ୍ଗନୱାଡି କର୍ମୀଙ୍କ ପାଇଁ ଖୁସି ଖବର: ମୋହନ ସରକାର ବର୍ଷ ସାରା ରିହାତିରେ ଦେବେ ଗ୍ୟାସ୍ ସିଲିଣ୍ଡର, ୨ ଲକ୍ଷ ଟଙ୍କାର ବୀମା ସୁବିଧା

ଭୋପାଳ: ମଧ୍ୟପ୍ରଦେଶର ଲାଡଲି ବହେନମାନଙ୍କ ପାଇଁ ଆଉ ଏକ ଖୁସି ଖବର ଆସିଛି। ମୁଖ୍ୟମନ୍ତ୍ରୀ ମୋହନ ଯାଦବ ଲାଡଲି ବହେନମାନଙ୍କ ପାଇଁ ଆଉ ଏକ ବଡ଼ ଘୋଷଣା କରିଛନ୍ତି। ମଙ୍ଗଳବାର ଅନୁଷ୍ଠିତ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି। ଅଙ୍ଗନୱାଡି କର୍ମଚାରୀଙ୍କ ବିଷୟରେ ମଧ୍ୟ ଏକ ବଡ ନିଷ୍ପତ୍ତି ନିଆଯାଇଛି।

ମଙ୍ଗଳବାର ଦିନ ମୋହନ ସରକାରଙ୍କ କ୍ୟାବିନେଟ୍ ବୈଠକ ଅନୁଷ୍ଠିତ ହୋଇଥିଲା ଯେଉଁଥିରେ ଅନେକ ପ୍ରମୁଖ ନିଷ୍ପତ୍ତି ଅନୁମୋଦନ କରାଯାଇଛି। ବର୍ତ୍ତମାନ ମଧ୍ୟପ୍ରଦେଶର ପ୍ରିୟ ଭଉଣୀମାନେ ଶସ୍ତା ଦରରେ ଗ୍ୟାସ୍ ସିଲିଣ୍ଡର ପାଇବେ। ୪୫୦ଟଙ୍କାରେ ଏଲପିଜି ସିଲିଣ୍ଡର ଲାଡଲି ବହେନମାନଙ୍କୁ ବର୍ଷସାରା ଦିଆଯିବ । ଏଥିରୁ ଅଧିକ ଅର୍ଥ ରାଜ୍ୟ ସରକାର ଦେବେ। ଶିବରାଜ ସିଂ ଚୌହାନଙ୍କ ସରକାର ଗତ ବର୍ଷ ଠାରୁ ଶ୍ରାବଣ ମାସରେ ୪୫୦ଟଙ୍କାରେ ଗ୍ୟାସ ସିଲିଣ୍ଡର ଦେବା ଆରମ୍ଭ କରିଥିଲେ। ଏହି ନିଷ୍ପତ୍ତି ପୂର୍ବପରି ରଖିବାକୁ ମୁଖ୍ୟମନ୍ତ୍ରୀ ମୋହନ ଯାଦବ ନିଷ୍ପତ୍ତି ନେଇଛନ୍ତି।

ସୂଚନାଯୋଗ୍ୟ, ଏହାପୂର୍ବରୁ ମୁଖ୍ୟମନ୍ତ୍ରୀ ମୋହନ ରକ୍ଷାବନ୍ଧନ ଲାଡଲି ବହେନମାନଙ୍କୁ ଏକ ବିଶେଷ ଉପହାର ଦେବାକୁ ଘୋଷଣା କରିଥିଲେ। ବାସ୍ତବରେ, ୧ ଅଗଷ୍ଟରୁ ୨୫୦ ଟଙ୍କା ଲାଡଲି ବହେନମାନଙ୍କ ଆକାଉଣ୍ଟରେ ଜମା ହେବ ବୋଲି ସରକାର ଘୋଷଣା କରିଥିଲେ। ଏହି ରାଶି ପ୍ରତ୍ୟେକ ମାସରେ ଜମା ହେଊଥିବା ୧୨୫୦ଟଙ୍କା ଠାରୁ ଭିନ୍ନ ହେବ ।

ଅଙ୍ଗନୱାଡି  କର୍ମୀ ଏବଂ ସହାୟକମାନଙ୍କ ସମ୍ପର୍କରେ ଏହି କ୍ୟାବିନେଟ ବୈଠକରେ ମଧ୍ୟ ଏକ ବଡ଼ ନିଷ୍ପତ୍ତି ନିଆଯାଇଛି। ସେମାନଙ୍କୁ ପ୍ରଧାନ ମନ୍ତ୍ର ଜୀବନ ଜ୍ୟୋତି ଯୋଜନା ଏବଂ ପ୍ରଧାନ ମନ୍ତ୍ର ସୁରକ୍ଷ ବୀମା ଯୋଜନାର ସୁବିଧା ପ୍ରଦାନ କରାଯିବ। ଯେଉଁଥିରେ ଆକସ୍ମିକ ମୃତ୍ୟୁ କ୍ଷେତ୍ରରେ ୨ ଲକ୍ଷ ଟଙ୍କା ଏବଂ ସ୍ଥାୟୀ ଅକ୍ଷମତା କ୍ଷେତ୍ରରେ୧ ଲକ୍ଷ ଟଙ୍କା ବୀମା ସୁବିଧା ମିଳିବ ।