ନୂଆଦିଲ୍ଲୀ: ସରକାର ଗତ ବୁଧବାର ଦିନ ଆଧାର ସଂଯୋଗକୁ ନେଇ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିଛନ୍ତି । ସରକାର କରିଥିିବା ପରିବର୍ତ୍ତନ ଅନୁସାରେ ବୃଦ୍ଧ, ରୋଗୀ ଓ ଆଘାତ ପାଇଥିବା ବ୍ୟକ୍ତିଙ୍କୁ ପାଇଁ ଆଧାର ପ୍ରମାଣପତ୍ର ଦେବା ନେଇ ନିୟମ କୋହଳ କରାଯାଇଛି। ଏବେ ଉପରୋକ୍ତ ବ୍ୟକ୍ତିମାନେ ବ୍ୟାଙ୍କ ଖାତାରେ ନିଜର ପରିଚୟର ପ୍ରମାଣ ପାଇଁ ଆଧାର ସ୍ଥାନରେ କୌଣସି ବି ଅନ୍ୟ ପ୍ରକାର ପରିଚୟ ପତ୍ର ବ୍ୟବହାର କରିପାରିବେ । ଏହା ପୂର୍ବରୁ ସର୍ବୋଚ୍ଚ ନ୍ୟାୟାଳୟ ମାର୍ଚ୍ଚ ୩୧ପର୍ଯ୍ୟନ୍ତ ବ୍ୟାଙ୍କ ଖାତା ଓ ମୋବାଇଲ ନମ୍ବରକୁ ଆଧାର ସହ ଲିଙ୍କ କରିବା ନିୟମକୁ କୋହଳ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସରକାର ଏଥିପାଇଁ ବୁଧବାର ଦିନ ନୋଟିଫିକେସନ୍ ଜାରି କରିଛନ୍ତି । ଯେଉଁଠି କୁହାଯାଇଛି ମନି ଲଣ୍ଡ୍ରିଂ ନିୟମର ଚିହ୍ନଟର ବିକଳ୍ପ ବ୍ୟବସ୍ଥାରେ ସଂଶୋଧନ ପାଇଁ ଏପରି କରାଯାଇଛି । କିଛି ସ୍ୱତନ୍ତ୍ର ଶ୍ରେଣୀର ଲୋକ ଏହାର ଲାଭ ଉଠାଇପାରିବେ, ଯାହାଙ୍କୁ ବାୟୋମେଟ୍ରିକ ପ୍ରମାଣୀକରଣ ଅସୁବିଧାର ସାମ୍ନା କରିବା ପାଇଁ ପଡ଼ୁଛି ।
ତେବେ ଏନେଇ ଆଧାର ନିୟନ୍ତ୍ରଣ କରୁଥିବା ଭାରତୀୟ ବିଶିଷ୍ଟ ପରିଚୟ ପ୍ରାଧୀକରଣ (ୟୁଆଇଡ଼ିଏଆଇ)ର ସିଓଙ୍କୁ ପ୍ରଶ୍ନ କରାଯାଇଥିଲା । ସେ କହିଛନ୍ତି ନିୟମରେ ପରିବର୍ତ୍ତନ ଯୋଗୁଁ ବୃଦ୍ଧ ବ୍ୟକ୍ତି, ଆଘାତ ପାଇଥିବା ବ୍ୟକ୍ତି ଓ ରୋଗୀଙ୍କୁ ଅସୁବିଧା ହେବ ନାହିଁ । ଆଧାର କାର୍ଡ଼ ବିନା ବ୍ୟାଙ୍କିଂ ଓ ଅନ୍ୟ ଆର୍ଥିକ ସେବାର ଉପଯୋଗ କରିପାରିବେ ।