ସରକାରଙ୍କ ମାଗଣା ଟିକାକରଣ ଖର୍ଚ୍ଚ ୫୦ ହଜାର କୋଟି ଟପିବ
ନୂଆଦିଲ୍ଲୀ : କରୋନା ଟିକା ବାବଦରେ କେନ୍ଦ୍ର ସରକାରଙ୍କୁ ପ୍ରାୟ ୫୦ ହଜାର କୋଟି ଟଙ୍କା ବ୍ୟୟ କରିବାକୁ ପଡ଼ିପାରେ । ଏହି ପରିମାଣ ସରକାର ବଜେଟରେ ଘୋଷଣା କରିଥିବା ୩୫ ହଜାର କୋଟି ଟଙ୍କାର ବ୍ୟୟବରାଦଠାରୁ ପ୍ରାୟ ୧୫ ହଜାର କୋଟି ଅଧିକ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏକ ଜାତୀୟ ସ୍ତରର ସମ୍ବାଦପତ୍ରରେ ପ୍ରକାଶିତ ରିପୋର୍ଟ ଅନୁସାରେ କେନ୍ଦ୍ର ସରକାରଙ୍କ ମାଗଣା ଟିକାକରଣ ଯୋଜନାରେ ଅତି କମରେ ୫୦ ହଜାର କୋଟି ଖର୍ଚ୍ଚ ହେବ । ତେବେ ଏହି ଖର୍ଚ୍ଚ କେବଳ ୧୮ ବର୍ଷରୁ ଅଧିକ ବୟସର ଲୋକମାନଙ୍କୁ ଦିଆଯାଉଥିବା ଟିକା ବାବଦରେ ଖର୍ଚ୍ଚ ହେବ । ଏଥିରେ ଆଗାମୀ ଦିନରେ ଆରମ୍ଭ ହେବାକୁ ଥିବା ୧୮ ବର୍ଷରୁ କମ ବୟସର ପିଲାମାନଙ୍କ ଟିକାକରଣ ବାବଦ ସମ୍ଭାବ୍ୟ ବ୍ୟୟକୁ ସାମିଲ କରାଯାଇନାହିଁ । ଏହାକୁ ମିଶାଇଲେ ଏହି ବୟଭାର ଆହୁରି ବଢିବାର ସମ୍ଭାବନା ରହିଛି । ତେବେ ଏହି ବ୍ୟୟଭାର ପାଇଁ ସରକାରଙ୍କୁ ଖୋଲା ବଜାରରୁ ଋଣ କରିବାକୁ ପଡ଼ିନପାରେ ବୋଲି ରିପୋର୍ଟରେ କୁହାଯାଇଛି ।
ସୂଚନାଯୋଗ୍ୟ ଯେ ଦେଶରେ ମାଗଣା ଟିକାକରଣ ପାଇଁ ତିନୋଟ ଟିକାକୁ ବ୍ୟବହାର କରାଯାଉଛି । ସେଗୁଡ଼ିକ ହେଉଛି କୋଭାକ୍ସିନ, କୋଭିସିଲ୍ଡ ଓ ଋଷିଆ ଟିକା ସ୍ପୁଟନିକ । ଗତ ଅକ୍ଟୋବର ୨୧ ତାରିଖରେ ଭାରତ ୧୦୦ କୋଟି କୋଭିଡ୍ ଟିକାକରଣ ମାଇଲଖୁଣ୍ଟ ଅତିକ୍ରମ କରିଥିଲା ।