ନୂଆଦିଲ୍ଲୀ : ଦେଶରେ କରୋନା ଟିକା ପାର୍ଶ୍ବ ପ୍ରତିକ୍ରିୟା ଜନିତ ପ୍ରଥମ ମୃତ୍ୟୁ ଘଟଣା ସାମନାକୁ ଆସିଛି । ମାର୍ଚ୍ଚ ୧୮ରେ କରୋନା ଟିକା ନେଇଥିବା ଜଣେ ୬୮ ବୟସ୍କ ବ୍ୟକ୍ତି ଆନାଫିଲେକ୍ସିସ ଯ଼ୋଗୁଁ ମୃତ୍ୟୁବରଣ କରିଥିବା ଏକ ସରକାରୀ ବିଶେଷଜ୍ଞ କମିଟି ସ୍ପଷ୍ଟ କରିଛି । ଡାକ୍ତରି ଭାଷାରେ ଆନାଫିଲେକ୍ସିସର ଅର୍ଥ ହେଉଛି ଗୁରୁତର ଆଲର୍ଜି ଜନିତ ମୃତ୍ୟୁ ।
Sambad is now on WhatsApp
Join and get latest news updates delivered to you via WhatsApp
ଦେଶରେ କରୋନା ଟିକାକରଣଜନିତ ପାର୍ଶ୍ବପ୍ରତିକ୍ରିୟାଗୁଡ଼ିକ ଉପରେ ନଜର ରଖିବାକୁ ସରକାରଙ୍କ ପକ୍ଷରୁ ଗଠିତ ସିରିୟସ ଆଡଭର୍ସ ଇଫେକ୍ସ ଫଲୋଇଙ୍ଗ ଇମ୍ୟୁନାଇଜେସନ (ଏଇଏଫଆଇ) କମିଟି ପକ୍ଷରୁ ୩ଟି ଅତି ଗୁରୁତର ପାର୍ଶ୍ବ ପ୍ରତିକ୍ରିୟା ମାମଲାକୁ ବିଚାରକୁ ନିଆଯ଼ାଇଥିଲା । ଅନ୍ୟ ଦୁଇ ଜଣ ବ୍ୟକ୍ତି ଟିକା ନେବା ପରେ ଅସୁସ୍ଥ ହୋଇପଡ଼ିଥିଲେ । ତେବେ ଡାକ୍ତରଖାନାରେ ଚିକିତ୍ସିତ ହେବା ପରେ ସେମାନ ଭଲ ହୋଇଯ଼ାଇଥିଲେ ।
ଟିକା ନେବା ପରେ ଦେଶରେ ମୃତ୍ୟୁବରଣ କରିଥିବା ୩୧ଟି ମାମଲାକୁ କମିଟି ପକ୍ଷରୁ ଯାଞ୍ଚ କରାଯାଇଥିଲା । ସେଗୁଡ଼ିକ ମଧ୍ୟରୁ ୧୮ଟି ମୃତ୍ୟୁ ସହ ଟିକାର କୌଣସି ସମ୍ପର୍କ ନଥିଲା । ଅର୍ଥାତ ଟିକା ନେବା ପରେ ସଂଯୋଗବଶତଃ ଅନ୍ୟ କାରଣରୁ ସେମାନେ ମୃତ୍ୟୁବରଣ କରିଥିଲେ । ୭ ମୃତ୍ୟୁ ମାମଲାର କାରଣ ଅସ୍ପଷ୍ଟ ରହିଥିବାବେଳେ ୨ ଟି ମାମଲାକୁ କୌଣସି ବର୍ଗରେ ସାମିଲ କରାଯାଇନାହିଁ । ଅର୍ଥାତ ଏହି ଦୁଇଟି ମୃତ୍ୟୁମାମଲା ସମ୍ପର୍କରେ ତଦନ୍ତ କରାଯାଇଥିଲେ ବି ଏକ ନିର୍ଦ୍ଦିଷ୍ଟ ବର୍ଗରେ ସାମିଲ କରିବାକୁ ଯଥେଷ୍ଟ ତଥ୍ୟ ନାହିଁ ।