ସରକାରଙ୍କ ପାଖରେ ଲୁଚାଇବାକୁ କିଛି ନାହିଁ: କେନ୍ଦ୍ର ମନ୍ତ୍ରୀ ଚିରାଗ ପାସୱାନ

ପାଟନା: ଜାତୀୟ ପରୀକ୍ଷା ଏଜେନ୍ସି (ଏନଟିଏ) ଦ୍ୱାରା ନିଟ୍-ୟୁଜି ପରୀକ୍ଷାରେ ହୋଇଥିବା ଅନିୟମିତତାକୁ ନେଇ ଚାଲିଥିବା ବିବାଦ ସମ୍ପର୍କରେ ସରକାରଙ୍କ ନିକଟରେ ଲୁଚାଇବାକୁ କିଛି ନାହିଁ ବୋଲି ସୋମବାର କେନ୍ଦ୍ର ମନ୍ତ୍ରୀ ଚିରାଗ ପାସୱାନ କହିଛନ୍ତି। ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଦୋଷୀ ସାବ୍ୟସ୍ତ ହୋଇଥିବା ‌ଅପରାଧିଙ୍କ ମଧ୍ୟରୁ କାହାକୁ ଛଡ଼ା ଯିବ ନାହିଁ। ସରକାର ଏହି ପ୍ରସଙ୍ଗକୁ ଗୁରୁତର ସହ ନେଇଛନ୍ତି। ଅନୁସନ୍ଧାନକାରୀ ସଂସ୍ଥା ତଦନ୍ତ କରୁଛନ୍ତି। ଆମେ ଛାତ୍ରଛାତ୍ରୀଙ୍କ କଲ୍ୟାଣ ପାଇଁ ତୁରନ୍ତ ପଦକ୍ଷେପ ନେବୁ।

ସେ ୧୮ତମ ଲୋକସଭାର ସଦସ୍ୟ ଭାବରେ ଶପଥ ଗ୍ରହଣ କରି ଖୁସି ବ୍ୟକ୍ତ କରିଛନ୍ତି। ପାସୱାନ୍ କହିଛନ୍ତି ସଂସଦରେ ପ୍ରଥମ ଦିନରେ ତାଙ୍କ ପରିବାର ତାଙ୍କ ସହ ଅଛନ୍ତି।
ସୂଚନାଯୋଗ୍ୟ, ୧୮ ତମ ଲୋକସଭାର ପ୍ରଥମ ଅଧିବେଶନ ସୋମବାର ସକାଳେ ନିମ୍ନ ଗୃହ ଲୋକସଭା‌ରେ ନବ ନିର୍ବାଚିତ ସଦସ୍ୟଙ୍କ ଶପଥ ଗ୍ରହଣ ସମାରୋହରୁ ଆରମ୍ଭ ହୋଇଥିଲା। ଏହି ଅଧିବେଶନ ଜୁଲାଇ ୩ ରେ ଶେଷ ହେବ।

ସୂଚନାଯୋଗ୍ୟ, ନ୍ୟାସନାଲ ଏଲିଜିବିଲିଟି-କମ-ଏଣ୍ଟ୍ରାନ୍ସ-ଟେଷ୍ଟ ନିଟ୍-ୟୁଚି ପରୀକ୍ଷା ୨୦୨୪ରେ ହୋଇଥିବା ଅନିୟମିତତାକୁ ନେଇ ସାରା ଦେଶରେ ବ୍ୟାପକ ବିରୋଧ ପ୍ରଦର୍ଶନ କରାଯାଉଛି। ବିରୋଧୀ ପରୀକ୍ଷା ଏଜେନ୍ସି ରଦ୍ଦ କରିବାକୁ ଦାବି କରୁଛନ୍ତି।

ପରୀକ୍ଷାରେ ୬୭ ପ୍ରାର୍ଥୀ ୭୨୦ ମଧ୍ୟରୁ ୭୨୦ ସ୍କୋର କରି ଚିନ୍ତା ବଢ଼ାଇ ଦେଇଥିଲେ। ଶିକ୍ଷା ମନ୍ତ୍ରଣାଳୟର ଉଚ୍ଚଶିକ୍ଷା ବିଭାଗର ନିର୍ଦ୍ଦେଶକଙ୍କ ଲିଖିତ ଅଭିଯୋଗକୁ ଆଧାର କରି ନିଟ୍ ଅନିୟମିତତା ଉପରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ ଏକ ଅପରାଧିକ ମାମଲା ପଞ୍ଜିକରଣ କରିଛି। ଏଜେନ୍ସିର ଏଫ୍ଆଇଆର୍ ଅନୁଯାୟୀ, ୫ ମ‌େ’୨୦୨୪ରେ ଅନୁଷ୍ଠିତ ନିଟ୍ ୟୁଜି ୨୦୨୪ ପରୀକ୍ଷା ସମୟରେ କେତେକ ରାଜ୍ୟରେ କିଛି ଅନିୟମିତତା ଘଟିଥିଲା। ଏହି ମାମଲାର ତଦନ୍ତ ପାଇଁ ସିବିଆଇ ଦ୍ୱାରା ସ୍ୱତନ୍ତ୍ର ଦଳ ଗଠନ କରାଯାଇଛି।

ସମ୍ବନ୍ଧିତ ଖବର