ସରକାରଙ୍କ ନିଷ୍ପତ୍ତି: ପାକିସ୍ତାନ ରାଷ୍ଟ୍ରୀୟ ଦିବସ କାର୍ଯ୍ୟକ୍ରମରେ ସାମିଲ ହେବନି ଭାରତ
ନୂଆଦିଲ୍ଲୀ: ଭାରତର ନୂଆଦିଲ୍ଲୀ ସ୍ଥିତ ପାକିସ୍ତାନ ଉଚ୍ଚାୟୋଗରେ ଆୟୋଜିତ ହେବାକୁ ଥିବା ପାକିସ୍ତାନ ରାଷ୍ଟ୍ରୀୟ ଦିବସରେ ଭାରତର କୌଣସି ଅଧିକାରୀ କିମ୍ବା ପ୍ରତିନିଧିଙ୍କୁ ସାମିଲ ନ ହେବା ପାଇଁ ନିଷ୍ପତ୍ତି ନେଇଛନ୍ତି । ବିଶେଷ ସୂତ୍ରରୁ ଜାଣିବାକୁ ମିଳିଛି ଭାରତ ସରକାର ଏହି ନିଷ୍ପତ୍ତି ନେବା ପଛରେ ଏହି କାରଣ ରହିଛି, କାରଣ ପାକିସ୍ତାନ ଏହି କାର୍ଯ୍ୟକ୍ରମରେ ଜାମ୍ମୁ-କାଶ୍ମୀରର ବିଚ୍ଛିନ୍ନବାଦୀ ନେତାଙ୍କୁ ନିମନ୍ତ୍ରଣ କରୁଛି ।
Sambad is now on WhatsApp
Join and get latest news updates delivered to you via WhatsApp
ଜଣେ ଅଧିକାରୀଙ୍କ କହିବା ଅନୁସାରେ ୨୩ ମାର୍ଚ୍ଚରେ ପାଳନ ହେଉଥିବା ପାକିସ୍ତାନ ରାଷ୍ଟ୍ରୀୟ ଦିବସରେ ଭାରତ ଯୋଗ ଦେବ ନାହିଁ । ଏହି କାର୍ଯ୍ୟକ୍ରମକୁ ଭାରତ କୌଣସି ଅଧିକାରୀଙ୍କୁ ମଧ୍ୟ ପଠାଇବ ନାହିଁ । ଏହି ନିଷ୍ପତ୍ତି ପଛରେ ଅନ୍ୟ ଏକ କାରଣ ହେଉଛି ଭାରତର ପୁଲଓ୍ଵାମା ଆକ୍ରମଣ ଓ ଏହାପରେ ପାକିସ୍ତାନର ବାଲାକୋଟରେ ଥବା ଆତଙ୍କବାଦୀ ଶିବିର ଉପରେ ଭାରତର ଆକ୍ରମଣ । ଏହି ଦୁଇ ଘଟଣା ପରେ ଦୁଇ ଦେଶ ମଧ୍ୟରେ ତିକ୍ତତା ଲାଗିରହିଛି ଏଥି ପାଇଁ ଭାରତ ଏହି କାର୍ଯ୍ୟକ୍ରମରେ ଯୋଗ ନଦେବା ପାଇଁ ନିଷ୍ପତ୍ତି ନେଇଛି ।
Raveesh Kumar, MEA: This time Pakistan High Commission decided to invite Hurriyat representatives on Pakistan National Day. On that basis, we have decided that we will not send any representative for their reception on Pakistan National Day this year. pic.twitter.com/RXHgGyqdaB
— ANI (@ANI) March 22, 2019
ବିଦେଶ ମନ୍ତ୍ରଳାୟର ପ୍ରବକ୍ତା ରବିଶ କୁମାର ପାକିସ୍ତାନର ରାଷ୍ଟ୍ରୀୟ ଦିବସରେ ନିଜର ପ୍ରତିନିଧିଙ୍କୁ ନ ପଠାଇବାର କାରଣ କହିଛନ୍ତି, ପଡୋଶୀ ଦେଶ ବିଚ୍ଛିନ୍ନତାବାଦୀ ନେତା ଓ ହୁରିୟତ ନେତାଙ୍କୁ ନିମନ୍ତ୍ରଣ କରୁଛି ଏଥି ପାଇଁ ଆମେ ଆମ ପ୍ରତିନଧିଙ୍କୁଏଥିରେ ସାମିଲ ହେବାକୁ ମନା କରିଛୁ ।