କିସ ପୁଣି ଦେଖା ନ ଯାଏ ! ଠାକୁରଙ୍କ ଭଳି ମନ୍ତ୍ରୀଙ୍କ ଆଳତି କଲେ ସରକାରୀ ଅଧିକାରୀ ଓ କର୍ମଚାରୀ Latestଦେଶ- ବିଦେଶ By Sambad Digital Last updated Dec 30, 2018 ସେୟାର ଭୋପାଳ : ମଧ୍ୟପ୍ରଦେଶରେ କଂଗ୍ରେସର ନୂଆ ସରକାରର ମନ୍ତ୍ରୀଙ୍କୁ ଖୁସି କରିବା ପାଇଁ ସରକାରୀ ଅଫିସର ଓ କର୍ମଚାରୀଙ୍କ ମଧ୍ୟରେ ଭିନ୍ନ ପ୍ରକାରର ପ୍ରତିଯୋଗିତା ଦେଖାଦେଇଛି । ଏହାର ଏକ ଅଆଚମ୍ବିତ କରିବା ଭଳି ଉଦାହରଣ .ଦେଖିବାକୁ ମିଳିଛି କରଂଜିଆ ବିକାଶଖଣ୍ଡ ଶିକ୍ଷା ବିଭାଗ ମୁଖ୍ୟାଳୟରେ। କ୍ୟାବିନେଟ୍ ମନ୍ତ୍ରୀ ଓମକାର ମରକାମଙ୍କ ଗସ୍ତ କାଳରେ ତାଙ୍କୁ ଖୁସୀ କରିବା ପାଇଁ ଲାଗି ପଡ଼ିଥିଲେ ସରକାରୀ କର୍ମଚାରୀ। Sambad is now on WhatsApp Join and get latest news updates delivered to you via WhatsApp Join Now ମନ୍ତ୍ରୀ କାର୍ଯ୍ୟାଳୟରେ ପହଞ୍ଚିବା ପରେ କିଛି କର୍ମଚାରୀ ତାଙ୍କୁ ଫୁଲମାଳ ପିନ୍ଧାଇ ଆଶୀର୍ବାଦ ନେଉଥିଲେ ତ କେହି ମନ୍ତ୍ରୀଙ୍କ ପାଦ ଛୁଇଁ ଜୁହାର ହୋଇ ତାଙ୍କୁ ଖୁସି କରିବାକୁ ଚେଷ୍ଟା କରୁଥିଲେ । କିନ୍ତୁ ଏହି ସମୟରେ ଖଣ୍ଡ ଶିକ୍ଷା ଅଧିକାରୀ (ବିଇଓ) ସବୁ ସୀମା ପାର କରିଦେଲେ । ସେ ମନ୍ତ୍ରୀଙ୍କୁ ଫୁଲମାଳ ପିନ୍ଧାଇ, ଠାକୁରଙ୍କ ଭଳି ତାଙ୍କର ଆଳତି କଲେ । ତାଙ୍କର ଏଭଳି କାମ ସମସ୍ତଙ୍କୁ ଆଶ୍ଚର୍ଯ୍ୟରେ ପକାଇଛି । ମନ୍ତ୍ରୀ ମହୋଦୟ ମଧ୍ୟ ନିଜର ଆଳତି କରୁଥିବାର ମଜା ନେଉଥିଲେ । ଧନ୍ୟ ମନ୍ତ୍ରୀ, ଧନ୍ୟ ସରକାରୀ ଅଫିସର !