ମୁମ୍ବାଇ: ଅପରେସନ ସିନ୍ଦୂର ଉପରେ ଭାରତର ଚିନ୍ତାଧାରାକୁ ଅନ୍ତର୍ଜାତୀୟ ସମ୍ପ୍ରଦାୟ ନିକଟରେ ପ୍ରଭାବଶାଳୀ ଭାବରେ ପହଞ୍ଚାଇବାକୁ ଭାରତ ସରକାର ଶନିବାର ଦିନ ସଂକଳ୍ପ ନେଇଛନ୍ତି। ଏନେଇ ଭାରତୀୟ ଜନତା ପାର୍ଟି ପ୍ରତିନିଧିମଣ୍ଡଳର ୭ଟି ଟିମ୍ ଗଠନ କରିଥିଲା।

Advertisment

​​ଯେଉଁମାନେ ସୀମାପାର ଆତଙ୍କବାଦ ଏବଂ ଅପରେସନ ସିନ୍ଦୁର ବିରୁଦ୍ଧରେ ଭାରତର ନିରନ୍ତର ଲଢ଼େଇ ପ୍ରଦର୍ଶନ କରିବା ପାଇଁ ପ୍ରମୁଖ ଅଂଶୀଦାର ଦେଶଗୁଡ଼ିକୁ ଗସ୍ତ କରିବେ। ଏହି ଟିମ୍‌ଗୁଡ଼ିକର ଅଧ୍ୟକ୍ଷ ଭାବରେ କଂଗ୍ରେସର ଶଶି ଥରୁରଙ୍କୁ ନିଯୁକ୍ତ କରାଯାଇଛି। ଏହା ଉପରେ ସଞ୍ଜୟ ରାଉତ ନିଜର ଅସନ୍ତୋଷ ପ୍ରକାଶ କରିଛନ୍ତି।

ଆତଙ୍କବାଦ ବିରୋଧରେ ଭାରତର ବିଶ୍ୱସ୍ତରୀୟ ପ୍ରଚାରର ଅଂଶ ସ୍ୱରୂପ ପ୍ରମୁଖ ସହଯୋଗୀ ଦେଶଗୁଡ଼ିକୁ ଗସ୍ତ କରୁଥିବା ସର୍ବଦଳୀୟ ପ୍ରତିନିଧିମଣ୍ଡଳ ବିଷୟରେ ଶିବସେନା (ୟୁବିଟି) ନେତା ସଞ୍ଜୟ ରାଉତ କହିଛନ୍ତି, ଏହା ଏକ ପର୍ଯ୍ୟଟନ କାର୍ଯ୍ୟକ୍ରମରେ ପରିଣତ ହେଉଛି। ଅପରେସନ୍ ସିନ୍ଦୂର ଏବଂ ଆତଙ୍କବାଦ ନାମରେ, ସେମାନେ ମୂଳତଃ ଏକ ଟୁର୍ ଏବଂ ଟ୍ରାଭେଲ୍ କମ୍ପାନି ଖୋଲିଛନ୍ତି ବୋଲି କହି ସେ କଟାକ୍ଷ କରିଛନ୍ତି। ବର୍ତ୍ତମାନ ଏହାର କୌଣସି ଆବଶ୍ୟକତା ନାହିଁ ବୋଲି ସେ କହିଛନ୍ତି।

ଆତଙ୍କବାଦ ବିରୋଧରେ ଭାରତର ବିଶ୍ୱ ଅଭିଯାନର ଅଂଶ ସ୍ୱରୂପ ପ୍ରମୁଖ ସହଯୋଗୀ ଦେଶଗୁଡ଼ିକୁ ଗସ୍ତ କରୁଥିବା ସର୍ବଦଳୀୟ ପ୍ରତିନିଧିମଣ୍ଡଳ ବିଷୟରେ ସଞ୍ଜୟ ରାଉତ କହିଛନ୍ତି, ବିଜେପି ଏହି ପ୍ରସଙ୍ଗକୁ ନେଇ ମଧ୍ୟ ରାଜନୀତିକରଣ କରୁଛି। ଏହା ଠିକ୍ ନୁହେଁ। ଆପଣ ବିରୋଧୀଙ୍କ ସମର୍ଥନ ଚାହାନ୍ତି, କିନ୍ତୁ ସେହି ସମୟରେ ଆପଣ ଏହି ପ୍ରସଙ୍ଗରେ ବିରୋଧୀ ଦଳକୁ ବିଭାଜିତ କରିବାକୁ ଚାହୁଁଛନ୍ତି। ଏହା ସମ୍ପୂର୍ଣ୍ଣ ଭୁଲ୍। ପ୍ରଥମତଃ, ଏପରି ପ୍ରତିନିଧିମଣ୍ଡଳ ପଠାଇବାର କୌଣସି ଆବଶ୍ୟକତା ନଥିଲା। ଆବଶ୍ୟକତା କ'ଣ ଥିଲା କୁହନ୍ତୁ?


ସଞ୍ଜୟ ରାଉତ ବିରୋଧୀଙ୍କ ଦାବି ଉପସ୍ଥାପନ କରି କହିଛନ୍ତି, ବିରୋଧୀ ଦଳ କଶ୍ମୀର ଏବଂ ଅପରେସନ ସିନ୍ଦୂର ଉପରେ ଏକ ସ୍ୱତନ୍ତ୍ର ଅଧିବେଶନ ଦାବି କରିଥିଲେ। ଆପଣ ସେହି ଅଧିବେଶନ ଆୟୋଜନ କରିବାକୁ ଯାଉନାହାନ୍ତି। ଅଧିବେଶନ ପରେ ପ୍ରତିନିଧିମଣ୍ଡଳୀ ପଠାଯିବା ଉଚିତ୍ ଥିଲା।

ଶିବସେନା ୟୁବିଟିର ଲୋକସଭାରେ ୯ ଜଣ ସଦସ୍ୟ ଅଛନ୍ତି। ତୃଣମୂଳ କଂଗ୍ରେସର ପ୍ରାୟ ୩୫ ଜଣ ସଦସ୍ୟ ଅଛନ୍ତି, ଏସପିର ୪୦ ଜଣ ସଦସ୍ୟ ଅଛନ୍ତି, ଲାଲୁ ଯାଦବଙ୍କର ୪-୫ ଜଣ ସଦସ୍ୟ ଅଛନ୍ତି। କିନ୍ତୁ କେହି ଆମକୁ କହି ନାହାନ୍ତି ଯେ, ଆପଣ ଆପଣଙ୍କ ପକ୍ଷରୁ କାହାକୁ ପଠାଇବାକୁ ଚାହୁଁଛନ୍ତି। ଯଦି ଆପଣ ସର୍ବଦଳୀୟ ବୈଠକ ବିଷୟରେ କହୁଛନ୍ତି, ତେବେ ଆପଣ ସମସ୍ତଙ୍କୁ ସାଙ୍ଗରେ ନେଇ ଯିବା ଉଚିତ୍। ଆପଣ କଶ୍ମୀର ଯାଉ ନାହାନ୍ତି।  କିନ୍ତୁ ଆପଣ ଆମକୁ ସାରା ବିଶ୍ୱରେ ନେଇ ଯିବାକୁ ଚାହୁଁଛନ୍ତି।

ସଞ୍ଜୟ ରାଉତ କହିଛନ୍ତି ଯେ, ସରକାର ନାଟକ କରୁଛନ୍ତି। ସେ କହିଛନ୍ତି ବିଶ୍ୱରେ ଅନ୍ୟାନ୍ୟ ଯୁଦ୍ଧ ହୋଇଛି। ଇସ୍ରାଏଲ ଏବଂ ଗାଜା ମଧ୍ୟରେ ଯୁଦ୍ଧ ହୋଇଛି। କିନ୍ତୁ କେହି ଭାରତକୁ ପ୍ରତିନିଧିମଣ୍ଡଳ ପଠାଇ ନଥିଲେ। ଏନେଇ ସଞ୍ଜୟ ରାଉତ ସରକାରଙ୍କୁ  କଡ଼ା ସମାଲୋଚନା କରିଛନ୍ତି।

ଅଧିକ ପଢ଼ନ୍ତୁ: ୧୭ ସାଂସଦଙ୍କୁ 'ସଂସଦ ରତ୍ନ ୨୦୨୫': ମହାରାଷ୍ଟ୍ରରୁ ସର୍ବାଧିକ

ସରକାର ୭ଟି ଗୋଷ୍ଠୀର ନେତୃତ୍ୱ ନେବା ପାଇଁ ୭ ଜଣ ସାଂସଦଙ୍କୁ ନିଯୁକ୍ତ କରିଛନ୍ତି। ଏଥିରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ପୁଅ ତଥା ସାଂସଦ ଶ୍ରୀକାନ୍ତ ସିନ୍ଦେ ଏବଂ ଏନସିପି-ଏସପି ମୁଖ୍ୟ ଶରଦ ପାୱାରଙ୍କ ଝିଅ ତଥା ସାଂସଦ ସୁପ୍ରିୟା ସୁଲେଙ୍କ ନାମ ଅନ୍ତର୍ଭୁକ୍ତ ରହିଛି। ଏହା ବ୍ୟତୀତ କଂଗ୍ରେସରୁ ଶଶି ଥରୁର, ରବି ଶଙ୍କର ପ୍ରସାଦ ଏବଂ ବିଜେପିର ବୈଜୟନ୍ତ ପଣ୍ଡା, ଜେଡିୟୁରୁ ​​ସଞ୍ଜୟ କୁମାର ଝା, ଡିଏମକେରୁ କାନିମୋଜି କରୁଣାନିଧିଙ୍କୁ ମନୋନୀତ କରାଯାଇଛି।

ଅଧିକ ପଢ଼ନ୍ତୁ: ମୁଁ ଏବଂ ସେ ସମୁଦ୍ରର ଦୁଇ ପାର୍ଶ୍ୱ

OperationSindoor | sanjay raut