କେନ୍ଦ୍ରୀୟ ଶିକ୍ଷାନୁଷ୍ଠାନଗୁଡ଼ିକରେ ମେ’ ମାସରେ ହେବାକୁ ଥିବା ସବୁ ଅଫଲାଇନ ପରୀକ୍ଷା ବାତିଲ
ନୂଆଦିଲ୍ଲୀ : ଦେଶରେ କରୋନା ସଂକ୍ରମଣର ଦ୍ରୁତ ବୃଦ୍ଧି ପରିପ୍ରେକ୍ଷୀରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ସବୁ କେନ୍ଦ୍ରୀୟ ଶିକ୍ଷାନୁଷ୍ଠାନରେ ମେ ମାସରେ ହେବାକୁ ଥିବା ସବୁ ଅଫଲାଇନ ପରୀକ୍ଷାକୁ ବାତିଲ କରିବାକୁ ନିର୍ଦ୍ଦେଶ ଦିଆଯ଼ାଇଛି । ଏସବୁ କେନ୍ଦ୍ରୀୟ ଶିକ୍ଷାନୁଷ୍ଠାନ ମଧ୍ୟରେ ରହିଛି ଆଇଆଇଟି, ଏନଆଇଟି, ଟ୍ରିପଲଆଇଟି ଓ ସମସ୍ତ କେନ୍ଦ୍ରୀୟ ବିଶ୍ବ ବିଦ୍ୟାଳୟ ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ଉଚ୍ଚ ଶିକ୍ଷା ସଚିବ ଅମିତ ଖରେ ସବୁ କେନ୍ଦ୍ରୀୟ ଶିକ୍ଷାନୁଷ୍ଠାନର ମୁଖ୍ୟମାନଙ୍କୁ ପତ୍ର ଲେଖି ମେ ମାସରେ ହେବାକୁ ଥିବା ସମସ୍ତ ଅଫଲାଇନ ପରୀକ୍ଷା ରଦ୍ଦ ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ସବୁ ପ୍ରକାରର ଅନଲାଇନ ପରୀକ୍ଷା ଚାଲୁ ରହିବ । ଆସନ୍ତା ଜୁନ ପ୍ରଥମ ସପ୍ତାହରେ ପରିସ୍ଥିତିକୁ ଦେଖି ଏହି ନିଷ୍ପତ୍ତିର ପୁନର୍ବିଚାର କରାଯ଼ିବ । ସେହିପରି ଅନୁଷ୍ଠାନରେ ଥିବା ଯଦି କୌଣସି ବ୍ୟକ୍ତି କୌଣସି ପ୍ରକାରର ସହାୟତା ମାଗନ୍ତି ତାଙ୍କୁ ତୁରନ୍ତ ସହାୟତା ଦିଆଯ଼ାଉ । ସେହିପରି ଅନୁଷ୍ଠାନରେ କୋଭିଡ କଟକଣାର କଡ଼ାକଡ଼ି ପାଳନ ନିଶ୍ଚିତ କରିବାକୁ ଓ ସବୁ ଯ଼ୋଗ୍ୟ ଲୋକମାନଙ୍କୁ ଟିକାଗ୍ରହଣ ପାଇଁ ପ୍ରେତ୍ସାହିତ କରିବାକୁ କୁହାଯ଼ାଇଛି ।