୬ ବର୍ଷର ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଅଭିଯୁକ୍ତଙ୍କ ଘର ଭାଙ୍ଗିଦେଲେ ରାଜ୍ୟ ସରକାର
ଭୋପାଳ: ମଧ୍ୟପ୍ରଦେଶର ମୋରେନା ସ୍ଥିତ ଦେବଗଡ ପୁଲିସ ଷ୍ଟେସନ ଅନ୍ତର୍ଗତ ଖିଟୋରା ଗ୍ରାମରେ ଜଣେ ୬ ବର୍ଷର ନାବାଳିକାକୁ ଦୁଷ୍କର୍ମ କରିବା ଭଳି ଏକ ସମ୍ବେଦନଶୀଳ ଘଟଣା ସାମ୍ନାକୁ ଆସିଛି। ନିରୀହ ନାବାଳିକା ଜଣକ ଦୋକାନକୁ ଯାଇଥିବାବେଳେ ଅଭିଯୁକ୍ତ ଦୋକାନୀ ରିଙ୍କୁ ଶର୍ମା ଚକୋଲେଟ୍ ଦେଇ ପ୍ରଲୋଭିତ କରିଥିଲେ। ଏହା ପରେ ତାଙ୍କୁ ଦୋକାନ ପଛରେ ଥିବା କୋଠରୀକୁ ନେଇ ଦୁଷ୍କର୍ମ କରିଥିଲେ। ଘଟଣା ସାମ୍ନାକୁ ଆସିବା ମାତ୍ରେ ଗାଁରେ ଉତ୍ତେଜନା ଦେଖିବାକୁ ମିଳିଥିଲା। ପୁଲିସ ଦୁଷ୍କର୍ମ ଏବଂ ପୋକସୋ ଅଧିନିୟମ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ କରିଥିଲା | ଆଉ ୨୪ ଘଣ୍ଟା ମଧ୍ୟରେ ସ୍ଥାନୀୟ ପ୍ରଶାସନ ବୁଲଡୋଜର ଚଳାଇ ଅଭିଯୁକ୍ତଙ୍କ ଘରକୁ ଭାଙ୍ଗିଦେଇଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଖିଟୋରା ଗାଁର ଜଣେ ୬ ବର୍ଷର ନାବାଳିକା କିଛି ଜିନିଷ କିଣିବାକୁ ଦୋକାନକୁ ଯାଇଥିଲେ। ଦୋକାନୀ ରିଙ୍କୁ ଶର୍ମା( ୩୨) ତାଙ୍କୁ ଦୋକାନ ଭିତରେ ଥିବା ଏକ କୋଠରୀକୁ ନେଇଯାଇଥିଲେ | ସେଠାରେ ଅଭିଯୁକ୍ତ ଜଣକ ଦୁଷ୍କର୍ମ କରିବା ପରେ କାହାକୁ କହିଲେ ହତ୍ୟା କରିବାର ଧମକ ଦେଇଥିଲା। ପୀଡିତା ଜଣକ ଘରେ ପହଞ୍ଚି ପରିବାର ସଦସ୍ୟଙ୍କୁ ଏବାବଦରେ କହିଥିଲା | ପରିବାର ଲୋକେ ପୁଲିସ ନିକଟରେ ଅଭିଯୋଗ କରିଥିଲେ । ପୁଲିସ ନାବାଳିକାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିବାବେଳେ । ଏହା ପରେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଏସଡିଏମଙ୍କ ଉପସ୍ଥିତିରେ ଅଭିଯୁକ୍ତଙ୍କ ଘରେ ବୁଲଡୋଜର ଚଳାଇ ଏହାକୁ ଭାଙ୍ଗି ଦେଇଥିଲା। ଏଥିସହ ଅଭିଯୁକ୍ତକୁ ଖୋଜିବା ପାଇଁ ପୁଲିସ ଚଢ଼ାଉ କରୁଛି।