ଭୋଟ ହରାଇବା ଭୟରେ ସରକାର ଟେକ୍ସଟାଇଲ ଉପରେ ଜିଏସଟି ବଢାଇଲେ ନାହିଁ : କଂଗ୍ରେସ
ନୂଆଦିଲ୍ଲୀ : ଆଗାମୀ ବିଧାନସଭା ନିର୍ବାଚନରେ ଭୋଟ ହରାଇବା ଆଶଙ୍କା କରି ସରକାର ଟେକ୍ସଟାଇଲ (ବୟନ ସାମଗ୍ରୀ) ଉପରେ ପ୍ରସ୍ତାବିତ ଜିଏସଟି ବୃଦ୍ଧିକୁ ସ୍ଥଗିତ ରଖିଛନ୍ତି ବୋଲି କଂଗ୍ରେସ କହିଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଅହମବଦାବାଦଠାରେ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସର ମୁଖପାତ୍ର ପବନ ଖେରା କହିଛନ୍ତି ଯେ ୫ଟି ରାଜ୍ୟରେ ଆଗକୁ ବିଧାନସଭା ରହିଥିବାବେଳେ ତାପରେ ଗୁଜୁରାଟରେ ବିଧାନସଭା ନିର୍ବାଚନ ରହିଛି । ଗୁଜୁରାଟ ବୟନ ଶିଳ୍ପର ଏକ ହବ୍ ଭାବେ ଜଣାଶୁଣା । ଏଣୁ ସରକାର ଭୋଟ ହରାଇବା ଆଶଙ୍କା କରିବ ଟେକ୍ସଟାଇଲ ଉପରେ ଜିଏସଟି ୫ ପ୍ରତିଶତରୁ ୧୨ ପ୍ରତିଶତ କରିବାକୁ ପଛଘୁଞ୍ଚା ଦେଲେ । ସେ କହିଛନ୍ତି ଯେ, ନୂଆ ବର୍ଷରେ ଅନେକ ସାମଗ୍ରୀ ଓ ସେବା ମହଙ୍ଗା ହେବାକୁ ଯାଉଛି । ଏ ପରିପ୍ରେକ୍ଷୀରେ ଲୋକମାନଙ୍କୁ ଶୁଭ ନୂଆବର୍ଷ କହିବା ଏକ ମିଛ ।
ଗତକାଲି ୪୬ତମ ଜିଏସଟି ପରିଷଦ ବୈଠକରେ ଟେକ୍ସଟାଇଲ ବା ବସ୍ତ୍ର ଉପରେ ପ୍ରସ୍ତାବିତ ଜିଏସଟି ହାର ୫ ପ୍ରତିଶତରୁ ୧୨ ପ୍ରତିଶତକୁ ବୃଦ୍ଧି ନିଷ୍ପତ୍ତିକୁ ସ୍ଥଗିତ ରଖାଯାଇଥିଲା । ପରିଷଦର ପରବର୍ତ୍ତୀ ବୈଠକ ଅର୍ଥାତ ୪୭ ତମ ବୈଠକରେ ଏ ନେଇ ନିଷ୍ପତ୍ତି ହେବାର ସମ୍ଭାବନା ରହିଛି । ଏ ସମ୍ପର୍କରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଥିଲେ ଯେ ଟେକ୍ସଟାଇଲ ଉପରେ ଜିଏସଟି ହାର ସଂପର୍କିତ ମାମଲାକୁ ଟାକ୍ସ ରେଟ୍ ରେସନାଲାଇଜେସନ କମିଟିକୁ ପ୍ରେରଣ କରାଯିବ । ଆସନ୍ତା ଫେବ୍ରୁଆରି ସୁଦ୍ଧା କମିଟି ନିଜର ରିପୋର୍ଟ ଦଖଲ କରିବ ।