ରବି ଫସଲର ଏମଏସପି ବୃଦ୍ଧି କରିପାରନ୍ତି ସରକାର, ଘୋଷଣା ଖୁବ ଶୀଘ୍ର
ନୂଆଦିଲ୍ଲୀ : ନୂଆ କୃଷିନୀତିକୁ ନେଇ ସାରା ଦେଶରେ ବିରୋଧୀଦଳ ଓ କୃଷକମାନେ ବିରୋଧ କରୁଥିବାବେଳେ କେନ୍ଦ୍ର ସରକାର ୨୦୨୧-୨୨ ବର୍ଷ ପାଇଁ ରବି ଫସଲର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିବାକୁ ନିଷ୍ପତ୍ତି ନେଇଥିବା ଜଣାଯାଇଛି । ଏ ସଂପର୍କିତ ଏକ ପ୍ରସ୍ତାବକୁ କେନ୍ଦ୍ର କ୍ୟାବିନେଟ୍ ମଂଜୁରୀ ଦେଇସାରିଛି ଓ ଖୁବଶୀଘ୍ର ସରକାରୀ ଭାବେ ଏ ସଂପର୍କରେ ଘୋଷଣା କରାଯିବ ।
Sambad is now on WhatsApp
Join and get latest news updates delivered to you via WhatsApp
ଏକ ଜାତୀୟ ସ୍ତରର ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ ଆଜି ବସିଥିବା କେନ୍ଦ୍ର କ୍ୟାବିନେଟ ବୈଠକରେ ରବି ଏମଏସପି ବୃଦ୍ଧି ପ୍ରସ୍ତାବରେ ମୋହର ମରାଯାଇଛି । କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଦ୍ୱାରା ଗହମ, ମସୁର, ସୂର୍ଯ୍ୟମୁଖୀ, ବାର୍ଲି, ସୋରିଷ, ବୁଟ ଆଦି ଫସଲ କରୁଥିବା ଚାଷୀମାନେ ଉପକୃତ ହେବାର ସମ୍ଭାବନା ରହିଛି । ଆଜି ସଂଧ୍ୟାରେ ସରକାର ଏହି ନିଷ୍ପତ୍ତି ଘୋଷଣା କରିବାର ସମ୍ଭାବନା ରହିଛି ।
ଗତକାଲି ରାଜ୍ୟସଭାରେ କୃଷି ସମ୍ପର୍କିତ ୨ଟି ବିଲ-କୃଷି ଉତ୍ପାଦ ବିପଣନ ଓ ବଣିଜ (ପ୍ରେତ୍ସାହନ ) ବିଲ ୨୦୨୦ ଓ କୃଷକ (ସଶକ୍ତିକରଣ ଓ ସୁରକ୍ଷା) ବିଲ ୨୦୨୦ ବିରୋଧୀ ଦଳଙ୍କ ପ୍ରବଳ ବିରୋଧ ମଧ୍ୟରେ ଗୃହୀତ ହୋଇଥିଲା । ଏହି ବିଲକୁ ନେଇ ରାଜ୍ୟସଭାରେ କଂଗ୍ରେସ, ତୃଣମୂଳ କଂଗ୍ରେସ, ଆମ ଆଦମି ପାର୍ଟି, ଡିଏମକେ, ଏନଡିଏ ସହଯୋଗୀ ଆକାଳୀ ଦଳ ପ୍ରମୁଖ ବିରୋଧ କରିଥିଲେ । କେତେକ ବିଶୃଙ୍ଖଳିତ ସଦସ୍ୟଙ୍କ ବିରୋଧରେ ଆଜି ରାଜ୍ୟସଭା ଅଧ୍ୟକ୍ଷ ଏମ.ଭେଙ୍କିଆ ନାଇଡୁ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।