ମାଗଣା ଟିକାକରଣ ପାଇଁ କେନ୍ଦ୍ର ସରକାରଙ୍କ ଖର୍ଚ୍ଚ କରିବେ ୪୫ ହଜାର କୋଟି !
ନୂଆଦିଲ୍ଲୀ : କେନ୍ଦ୍ର ସରକାର ୧୮ ବର୍ଷରୁ ଉର୍ଦ୍ଧ୍ବ ସମସ୍ତଙ୍କ ପାଇଁ ମାଗଣା ଟିକାକରଣ ସମ୍ପର୍କରେ ଘୋଷଣା କରିଥିବାବେଳେ ଏଥିପାଇଁ ସରକାରଙ୍କୁ ବିପୁଳ ପରିମାଣରେ ଅର୍ଥବ୍ୟୟ କରିବାକୁ ପଡ଼ିବ । ୟୁବିଏସ ସିକ୍ୟୁରିଟିଜର ଏକ ରିପୋର୍ଟ ଅନୁସାରେ ଟିକା ପାଇଁ ସରକାରଙ୍କ ମୋଟ ୪୦ରୁ ୪୫ ହଜାର କୋଟି ବ୍ୟୟ କରିବାକୁ ପଡ଼ିବ । ବଜେଟରେ ଟିକାକରଣ ପାଇଁ ପୂର୍ବରୁ ୩୫ ହଜାର କୋଟିର ବ୍ୟୟବରାଦ କରାଯ଼ାଇଥିବାବେଳେ ଗତକାଲିର ଘୋଷଣା ପରେ ସରକାରଙ୍କୁ ଅତିରିକ୍ତ ୧୦ ହଜାର କୋଟି ବ୍ୟୟ କରିବାକୁ ପଡ଼ିବ ।
Sambad is now on WhatsApp
Join and get latest news updates delivered to you via WhatsApp
ଆହୁରି ମଧ୍ୟ ଦେଶ ୮୦ କୋଟି ଲୋକଙ୍କୁ ଆସନ୍ତା ଦିପାବଳୀ ପର୍ୟ୍ୟନ୍ତ ମାଗଣ ଖାଦ୍ୟଶସ୍ୟ ଯ଼ୋଗାଣ ମଧ୍ୟ ସରକାରଙ୍କ ବ୍ୟୟଭାର ବଢାଇବ ।ଏହା ଫଳରେ ଚଳିତ ଆର୍ଥିକ ବର୍ଷରେ ଦେଶର ଆର୍ଥିକ ନିଅଣ୍ଟ ବଢିବାର ଆଶଙ୍କା ଦେଖାଦେଇଛି ।
ଯୁବିଏସର ଅର୍ଥନୀତିଜ୍ଞ ତାନଭି ଗୁପ୍ତା କହିଛନ୍ତି ଯ଼େ ଯ଼ଦି ସରକାର ଟିକା ପିଛା ୧୫୦ ଟଙ୍କା ଓ ପରିବହନ ଓ ବିତରଣ ବାବଦରେ ଆଉ ୧୫୦ ଟଙ୍କା ବ୍ୟୟ କରନ୍ତି ତେବେ ସମଗ୍ର ଟିକାକରଣ ପାଇଁ ମୋଟ ୪୫ ହଜାର କୋଟି ଖର୍ଚ୍ଚ ହେବ । ବଜେଟରେ ଟିକାକରଣ ପାଇଁ ପୂର୍ବରୁ ୩୫ ହଜାର କୋଟିର ବ୍ୟୟବରାଦ କରାଯ଼ାଇଥିବାବେଳେ ସରକାରଙ୍କୁ ଆଉ ୧୦ ହଜାର କୋଟି ଯୋଗାଡ଼ କରିବାକୁ ପଡ଼ିବ ।