ସବୁଜ ରଙ୍ଗର ଅଣ୍ଡା କେଶର କେବେ ଦେଖିଛନ୍ତି କି ? ଭାରତର ଏହିସ୍ଥାନରେ କୁକୁଡ଼ା ଦିଅନ୍ତି ଏଭଳି ଅଣ୍ଡା
କୋଚିନ: ସବୁଜ ରଙ୍ଗର ଅଣ୍ଡା କେଶର | ଶୀର୍ଷକ ପଢି ଆପଣ ଆଶ୍ଚର୍ଯ୍ୟ ହୋଇଗଲେ କି? ତେବେ ଜମା ବି ଆଶ୍ଚର୍ଯ୍ୟ ହୁଅନ୍ତୁ ନାହିଁ | କେରଳର ଜଣେ ବ୍ୟକ୍ତିଙ୍କ ପାଖରେ ଏଭଳି କୁକୁଡ଼ା ଅଛନ୍ତି ଯେଉଁମାନେ ସବୁଜ ରଙ୍ଗର କେଶର ଥିବା ଅଣ୍ଡା ଦିଅନ୍ତି | ନିକଟରେ କେରଳର ଏକ କୁକୁଡ଼ା ଫାର୍ମର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓରେ କୁକୁଡ଼ାମାନଙ୍କର ଅଣ୍ଡାର କେଶର ସବୁଜ ରଙ୍ଗର ଦେଖିବାକୁ ମିଳିଛି | କେରଳର ମଲାପୁରମରେ ରୁହନ୍ତି ଶାହାବୁଦ୍ଦିନ | ତାଙ୍କର କୁକୁଡ଼ା ଫାର୍ମରେ ସାତୋଟି କୁକୁଡ଼ା ଥିବାବେଳେ ଏମାନେ ଦେଉଥିବା ଅଣ୍ଡାରେ ସବୁଜ ରଙ୍ଗର କେଶର ଦେଖିବାକୁ ମିଳିଥାଏ |
Sambad is now on WhatsApp
Join and get latest news updates delivered to you via WhatsApp
ବଡ କଥା ହେଉଛି ଯେ ସବୁଜ ରଙ୍ଗର କେଶର ହୋଇଥିଲେ ବି ଅନ୍ୟ ଅଣ୍ଡର କେଶର ଭଳି ଏହାର ସ୍ୱାଦରେ କୌଣସି ପାର୍ଥକ୍ୟ ନାହିଁ | ଏଭଳି ଅଣ୍ଡା ଦେଖି ବିଶେଷଜ୍ଞମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । କେରଳ ପ୍ରାଣୀ ଚିକିତ୍ସା ଏବଂ ପ୍ରାଣୀ ବିଜ୍ଞାନ ବିଶ୍ୱବିଦ୍ୟାଳୟର ବିଶେଷଜ୍ଞମାନେ ଶାହାବୁଦ୍ଦିନଙ୍କ କୁକୁଡ଼ା ଫାର୍ମରେ ପହଞ୍ଚିଥିଲେ। ସେଠାରୁ କୁକୁଡ଼ା ଏବଂ ଅଣ୍ଡା ଅଧ୍ୟୟନ ପାଇଁ ନିଆଯାଇଥିଲା | ଅନୁଧ୍ୟାନ ପରେ ବିଶେଷଜ୍ଞ ଜାଣିବାକୁ ପାଇଛନ୍ତି ଯେ ସବୁଜ ରଙ୍ଗର ଅଣ୍ଡା ପଛରେ କୌଣସି ଜିନ ଗତ ତ୍ରୁଟି ନାହିଁ |
ବରଂ କୁକୁଡ଼ାଙ୍କୁ ଦିଆଯାଉଥିବା ଖାଦ୍ୟ କାରଣରୁ କେଶରର ରଙ୍ଗ ଏଭଳି ହେଉଛି | କାରଣ ଅଧ୍ୟୟନ ସାୟାରେ ଯେତେବେଳେ ଏହି କୁକୁଡ଼ାମାନଙ୍କୁ ଅଲଗା ଖାଦ୍ୟ ଦିଆଯାଇଥିଲା କୁକୁଡ଼ାଙ୍କ କେଶର ରଙ୍ଗ ହଳଦିଆ ହିଁ ହୋଇଥିଲା | ଶାହାବୁଦ୍ଦିନ କହିଛନ୍ତି ଯେ କୁକୁଡ଼ାମାନେ ତାଙ୍କ ଘର ପଛରେ ବଢୁଥିବା ଘାସ ହିଁ ଖାଆନ୍ତି | ତେବେ ଏହି ଖାସ ଅଣ୍ଡା ପାଇଁ ଏବେ ଶାହାବୁଦ୍ଦିନଙ୍କ ପାଖରେ ଲୋକଙ୍କର ଗହଳି ଦେଖିବାକୁ ମିଳୁଛି |