ବିବାହକୁ ଆସିବାକୁ ନିମନ୍ତ୍ରଣ କାର୍ଡ ସାଙ୍ଗରେ ମଦ ଓ ଚାଖଣା ପଠାଇଲେ ବର
ମୁମ୍ବାଇ: ବିବାହକୁ ଆସିବାକୁ ପରିବାର ଓ ବନ୍ଧୁଙ୍କୁ ନିମନ୍ତ୍ରଣ କାର୍ଡ ପଠାଇଲେ | ତେବେ କେବଳ ନିମନ୍ତ୍ରଣ କାର୍ଡ ନୁହେଁ ବରଂ ନିମନ୍ତ୍ରଣ କାର୍ଡ ସହ ମଦ ଓ ଚାଖଣା ପଠାଇଛନ୍ତି ବର | ମହାରାଷ୍ଟ୍ରରେ ଏଭଳି ଏକ ବିବାହ କାର୍ଡ ଭାଇରାଲ ହେଉଛି। କାରଣ ଉପରେ ବିବାହ କାର୍ଡ ଥିବାବେଳେ ଏହି କାର୍ଡ ସହ ସଂଲଗ୍ନ ଡବାରେ ମଦ ଓ ଚାଖଣା ମଧ୍ୟ ପଠାଯାଇଛି | ମହାରାଷ୍ଟ୍ରର ଚନ୍ଦ୍ରପୁରରୁ ଏଭଳି ଏକ ମାମଲା ସାମ୍ନାକୁ ଆସିଛି |
Sambad is now on WhatsApp
Join and get latest news updates delivered to you via WhatsApp
ଏହି କାର୍ଡର ପ୍ରଥମ ପୃଷ୍ଠାରେ ଗଣେଶଙ୍କ ଫଟୋ ମୁଦ୍ରିତ ହୋଇ ଥିବାବେଳେ ପରବର୍ତ୍ତୀ ପୃଷ୍ଠାଗୁଡ଼ିକରେ, ବିବାହ ତାରିଖ ଏବଂ କାର୍ଯ୍ୟକ୍ରମ ବିଷୟରେ ସୂଚନା ଦିଆଯାଇଛି | ଦୁଇଟି କାର୍ଡ ପରେ ମଦ ବୋତଲ, ପାଣି ବୋତଲ ଓ ଚାଖଣା ରଖାଯାଇଥିଲା | ଏହି କାର୍ଡର ଭିଡିଓ ଏବଂ ଫଟୋ ମଧ୍ୟ ଭାଇରାଲ ହୋଇଛି। ଭିଡିଓରେ, କାର୍ଡଗୁଡ଼ିକ ଆରମ୍ଭରୁ ଶେଷ ପର୍ଯ୍ୟନ୍ତ କ୍ରମାଗତ ଭାବରେ ପ୍ରଦର୍ଶିତ ହୋଇଛି |
ଏହି ଭିଡିଓ ସାମ୍ନାକୁ ଆସିବା ପରେ ମଦ ଉପରେ ପ୍ରଶ୍ନ ଉଠିଛି। ତେବେ କାର୍ଡ ମୁଦ୍ରଣ କରିଥିବା ବ୍ୟକ୍ତି ଜଣକ କହିଛନ୍ତି ଯେ ଏହି କାର୍ଡ ତାଙ୍କ ପୁଅର ବିବାହ ଉତ୍ସବ ପାଇଁ ପ୍ରସ୍ତୁତ କରାଯାଇ ଥିବାବେଳେ ଚନ୍ଦ୍ରପୁରରେ ମଦ ନିଷେଧ ହେତୁ ଏହି କାର୍ଡ ବଣ୍ଟନ କରାଯାଇ ନାହିଁ | ତେବେ ମଦ ଓ ଚାଖଣା ସହିତ ଥିବା କାର୍ଡ କିଛି ସମ୍ପର୍କୀୟଙ୍କୁ ଦିଆଯାଇଥିଲା | କେହି ଜଣେ ସମ୍ପର୍କୀୟ ଏହାକୁ ଭାଇରଲ କରିଥିବାର କାର୍ଡ ପ୍ରସ୍ତୁତ କରିଥିବା ବ୍ୟକ୍ତି ଜଣକ କହିଛନ୍ତି |