୧୮ ବର୍ଷରୁ କମ ପିଲାମାନଙ୍କୁ ବ୍ଲାକ ଫଙ୍ଗସରୁ ରକ୍ଷା କରିବାକୁ ନିର୍ଦ୍ଦେଶାବଳୀ ଜାରି
ନୂଆଦିଲ୍ଲୀ: କରୋନାର ତୃତୀୟ ଲହରୀ ଆସିବା ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ଆକଳନ କରୁଥିବାବେଳେ ଆଜି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କିଶୋର ଏବଂ ୧୮ ବର୍ଷରୁ କମ୍ ପିଲାମାନଙ୍କ ମଧ୍ୟରେ ବ୍ଲାକ ଫଙ୍ଗସ କିମ୍ବା ମ୍ୟୁକର୍ମାଇକୋସିସ୍ ରୋକିବା ପାଇଁ ନିର୍ଦ୍ଦେଶାବଳୀ ଜାରି କରିଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ମ୍ୟୁକର୍ମାଇକୋସିସ୍ ଏକ ଗୁରୁତର ଫଙ୍ଗଲ୍ ସଂକ୍ରମଣ | ଷ୍ଟେରଏଡର ଅତ୍ୟଧିକ ବ୍ୟବହାର, କର୍କଟ, ଷ୍ଟେମ ସେଲ ପ୍ରତିରୋପଣ ସହ ମଧୁମେହ ନିୟନ୍ତ୍ରଣ ନ ହେଉଥିଲେ ଏହି ସଂକ୍ରମଣ ହୋଇପାରେ |
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗାଇଡଲାଇନରେ କହିଛି, ମ୍ୟୁକୋର୍ମାଇକୋସିସ୍ ପାଇଁ ଚିକିତ୍ସା ଆରମ୍ଭ କରିବା ପାଇଁ ଟେଷ୍ଟ ଫଳାଫଳକୁ ଅପେକ୍ଷା କରନ୍ତୁ ନାହିଁ କାରଣ ଏହା ଜରୁରୀକାଳୀନ ପରିସ୍ଥିତି । ଏହା ମଧ୍ୟ କୁହାଯାଇଛି ଯେ ଯେଉଁମାନଙ୍କୁ ଆମ୍ଫୋଟେରାଇସିନ୍ ବି ଦିଆଯାଇପାରିବ ନାହିଁ ସେମାନଙ୍କୁ ପୋସାକୋନାଜୋଲ ଦିଆଯିବା ଉଚିତ୍। ପୋସାକୋନାଜୋଲ ଔଷଧର ମାତ୍ରା ୧୧ ବର୍ଷରୁ କମ୍ ପିଲାମାନଙ୍କୁ ଦିଆଯିବା ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଗାଇଡଲାଇନରେ କୁହାଯାଇଛି |
ସୂଚନା ଥାଉ କି କରୋନା ଦ୍ୱାରା ସଂକ୍ରମିତ କିମ୍ବା କରୋନାରୁ ସୁସ୍ଥ ଥିବା ରୋଗୀଙ୍କଠାରେ କଳା ଫଙ୍ଗସ୍ ସଂକ୍ରମଣ ମାମଲା ଅଧିକ ଦେଖାଯାଇଥାଏ | ଏହି କାରଣରୁ, ରୋଗୀଙ୍କ ଦୃଷ୍ଟି ଶକ୍ତି ନଷ୍ଟ ହୋଇଯାଇଥାଏ | ମଧୁମେହ ଥିବା ଲୋକଙ୍କଠାରେ ଏହାର ସଂକ୍ରମଣ ଦେଖାଯାଉଛି। ଡାକ୍ତରମାନେ କହିଛନ୍ତି ଯେ କୋଭିଡ -୧୯ ରୋଗୀଙ୍କ ଚିକିତ୍ସାରେ ଅତ୍ୟଧିକ ଷ୍ଟେରଏଡ ବ୍ୟବହାର ଫଙ୍ଗଲ ସଂକ୍ରମଣର କାରଣ ହୋଇପାରେ।