ପରିବେଶ ଦୃଷ୍ଟିରୁ ସୁରକ୍ଷିତ ନିର୍ବାଚନ ପାଇଁ ନିର୍ଦ୍ଦେଶ: ମୁଖ୍ୟ ନିର୍ବାଚନ କମିସନରଙ୍କ କାବ୍ୟିକ ଜବାବ

ନୂଆଦିଲ୍ଲୀ: ନିର୍ବାଚନ କମିସନ ଆଜି ଲୋକସଭା ଓ ୪ ରାଜ୍ୟର ବିଧାନସଭା ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରି କହିଛନ୍ତି ଯେ ଏଥର ପରିବେଶ ଦୃଷ୍ଟିରୁ ସୁରକ୍ଷିତ ନିର୍ବାଚନ ସୁନିଶ୍ଚିତ କରିବା ପାଇଁ ନିର୍ଦ୍ଦେଶ ଦିଆଯାଇଛି। ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ କମିସନର ରାଜୀବ କୁମାର କହିଛନ୍ତି, ଭୋଟ୍ ଦେବା ପରେ ଦେଶର ବିଭିନ୍ନ ମତଦାନ କେନ୍ଦ୍ରରେ କୌଣସି ବର୍ଜ୍ୟବସ୍ତୁ ଦେଖାଯିବା ଉଚିତ ନୁହେଁ। ନିୟମ ଅନୁଯାୟୀ ଏହାକୁ ସଂଗ୍ରହ କରି ନଷ୍ଟ କରାଯିବା ଉଚିତ। ସେ ଆହୁରି ମଧ୍ୟ କହିଛନ୍ତି ଯେ କାଗଜର ବ୍ୟବହାରକୁ କମ୍ କରିବାକୁ ହେବ। କମ୍ କାଗଜପତ୍ର ଏବଂ ରିସାଇକ୍ଲିଂ ଇତ୍ୟାଦି ମାଧ୍ୟମରେ ଆମେ କାର୍ବନ ପ୍ରଦୂଷଣକୁ କିପରି ହ୍ରାସ କରିପାରିବା ସେ ଦିଗରେ ଯତ୍ନବାନ ହେବାକୁ ପଡ଼ିବ।

ପରିବେଶ ପ୍ରତି ଆମର ପ୍ରତିବଦ୍ଧତା ଏବଂ ଦାୟିତ୍ୱ ନେଇ କୌଣସି ସାଲିସ ହେବା ଉଚିତ ନୁହେଁ। ଡିଜିଟାଲ ମାଧ୍ୟମରେ ସର୍ବାଧିକ କାର୍ଯ୍ୟ ସଂପାଦନ ଏ ଦିଗରେ ନିର୍ଣ୍ଣାୟକ ହେବ ବୋଲି ମୁଖ୍ୟ ନିର୍ବାଚନ କମିସନର କହିଛନ୍ତି। ଏହି ପଦକ୍ଷେପ କେବଳ ପରିବେଶପାଇଁ ଲାଭଦାୟକ ନୁହେଁ ବରଂ ନିର୍ବାଚନ ପ୍ରକ୍ରିୟାରେ ସଂପୃକ୍ତ ରାଜନୈତିକ ଦଳଗୁଡ଼ିକର ଅଭିଜ୍ଞତାକୁ ମଧ୍ୟ ବଢ଼ାଇଥାଏ । ପ୍ରଚାର ପାଇଁ ଜୈବିକ କ୍ଷୟଯୋଗ୍ୟ ସାମଗ୍ରୀ ବ୍ୟବହାର କରିବାକୁ ମଧ୍ୟ ନିର୍ବାଚନ ଆୟୋଗ ରାଜନୈତିକ ଦଳଗୁଡ଼ିକୁ ଅନୁରୋଧ କରିଛନ୍ତି। ପରିବେଶ ସୁରକ୍ଷା କୌଣସି ବ୍ୟକ୍ତିଗତ କାର୍ଯ୍ୟ ନୁହେଁ ବରଂ ସାମୂହିକ ଦାୟିତ୍ୱ ହୋଇଥିବାରୁ ନିର୍ବାଚନ ପ୍ରଚାର ସମୟରେ ପୋଷ୍ଟର, ବ୍ୟାନର ଇତ୍ୟାଦି ପ୍ରସ୍ତୁତି ପାଇଁ ପ୍ଲାଷ୍ଟିକ/ପଲିଥିନ ଏବଂ ଅନୁରୂପ ଭାବେ ‌ଜୈବିକ କ୍ଷୟଅଯୋଗ୍ୟ ସାମଗ୍ରୀର ବ୍ୟବହାରରୁ ଦୂରେଇ ରହିବାକୁ ନିର୍ବାଚନ କମିସନ ସମସ୍ତ ରାଜନୈତିକ ଦଳକୁ ଅନୁରୋଧ କରିଛନ୍ତି।

ନୂଆଦିଲ୍ଲୀ: ଆସନ୍ତା ସାଧାରଣ ନିର୍ବାଚନ-୨୦୨୪ ପାଇଁ ଆଜି ସାମ୍ବାଦିକ ସମ୍ମିଳନୀରେ କାର୍ଯ୍ୟସୂଚୀ ଘୋଷଣା କରିବା ବେଳେ ମୁଖ୍ୟ ନିର୍ବାଚନ କମିସନର ରାଜୀବ କୁମାରଙ୍କ କବିତା ପାଠ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ସୋସିଆଲ ମିଡିଆରେ ମିଥ୍ୟା ଖବର ଏବଂ ବିଭ୍ରାନ୍ତିକର ତଥ୍ୟ ଫରୱାର୍ଡ ନ କରିବାକୁ ଭୋଟରମାନଙ୍କୁ ପରାମର୍ଶ ଦେଇ ରାଜୀବ କୁମାର କହିଛନ୍ତି, ‘ଝୁଟ କେ ବାଜାର ମେ ରୌନକ ତୋ ବହୁତ ହୈ, ଗୟା ବୁଲ ବୁଲେ ଜୈସେ ହି ତୁରନ୍ତ ଫଟ୍‌ଜାତି ହୈ, ପକଡ଼ ଭି ଲୋଗେ ତୋ କ୍ୟା ହାସିଲ ହୋଗା ସିବାଏ ଧୋକେ କେ ।’ (ମିଛର ବଜାରରେ ବହୁତ ମହିମା ଅଛି, ଯେମିତି ଏହା ଏକ ବୁଦ୍‌ବୁଦ୍‌ ଥିଲା ଯାହା ତୁରନ୍ତ ଫାଟିଯାଏ ଏବଂ ଯଦି ଆପଣ ଏହାକୁ ଧରିବାକୁ ଚେଷ୍ଟା କରନ୍ତି, ତେବେ ପ୍ରତାରଣା ବ୍ୟତୀତ ଆପଣ କ’ଣ ଲାଭ ପାଇବେ।)

ନିର୍ବାଚନ ପ୍ରଚାର ସମୟରେ ପରସ୍ପରକୁ ଆକ୍ରମଣ କରିବା ବେଳେ ସମାଲୋଚନାର ସୀମା ଅତିକ୍ରମ ନ କରିବାକୁ ରାଜନୈତିକ ଦଳଗୁଡ଼ିକୁ ପରାମର୍ଶ ଦେଇ ସିଇସି ରାଜୀବ କୁମାର କବିତା ଶୈଳୀରେ କହିଥିଲେ, ‘ଦୁଶ୍‌ମନି ଜମ୍‌ କର କରେଁ ଲେକିନ୍ ୟେ ଗୁଂଜାଇସ୍‌ ରହେ, ଜବ୍‌ କଭି ହମ୍ ଦୋସ୍ତ ହୋ ଜାଏଁ ତୋ ସର୍ମିନ୍ଦା ନା ହୋ।’ (ଶତ୍ରୁତା ହେଉ, କିନ୍ତୁ ଯେତେବେଳେ ଆମେ ବନ୍ଧୁ ହୋଇଯିବା, ସେତେବେଳେ ଯେଭଳି ଲଜ୍ଜିତ ହେବାକୁ ପଡ଼ିବ ନାହିଁ।) ସିଇସି କବି ଅବଦୁଲ ରହିମ ଖାନ୍‌ଙ୍କ ଉଦାହରଣ ଦେଇ କହିଛନ୍ତି, ‘ରହିମନ ଧାଗା ପ୍ରେମ କା, ମତ ତୋଡୋ ଚିତ୍‌କାୟା, ଟୁଟେ ସେ ଫିର୍ ନା ମିଲେ, ମିଲ ଗାଣ୍ଠ୍‌ ପଡ଼ ଜାଏ।’ (ରହିମାନ, ପ୍ରେମର ଡୋରି ଭାଙ୍ଗନ୍ତୁ ନାହିଁ, ଭାଙ୍ଗିଗଲେ ଆଉ କେବେ ଯୋଡ଼ିହେବ ନାହିଁ ଏବଂ ଏହା ବହୁତ ଜଟିଳ ହୋଇଯିବ।)