ନାବୁଜା : ଆଫ୍ରିକୀୟ ଦେଶ ନାଇଜେରିଆରେ ଦୁର୍ବୃତ୍ତମାନେ ଏକ ଅତି ବର୍ବର ଗଣହତ୍ୟା ଘଟାଇଛନ୍ତି । ସ୍ଥାନୀୟ ଅଂଚଳରେ ବାଣ୍ଡିଟ୍ (ଡକାୟତ) ନାମରେ ପରିଚିତ ଏହି ବର୍ବର ଅପରାଧୀ ଗୋଷ୍ଠୀ ନାଇଜେରିଆର ଜାମଫାରା ରାଜ୍ୟର ଅନକା ଓ ବୁକୁୟୁମ ଜିଲ୍ଲାରେ କେତେକ ଗାଁରେ ପଶି ଜଳାପୋଡ଼ା କରିବା ସହ ଆଖିମୁଜା ଗୁଳିମାଡ଼ କରି ପ୍ରାୟ ୨ ଶହ ଲୋକଙ୍କୁ ମାରି ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନାଇଜେରିଆ ସମ୍ବାଦପତ୍ର ଡେଲି ପୋଷ୍ଟର ରିପୋର୍ଟ ଅନୁସାରେ ଫାକାଇ ଜଙ୍ଗଲରେ ରହୁଥିବା ଏହି ସଶସ୍ତ୍ର ଗୋଷ୍ଠୀର ସଦସ୍ୟମାନେ ହେଉଛନ୍ତି ବେଲର ଟୁରଜି ନାମକ ଆତଙ୍କବାଦୀର ଅନୁଗତ । ଗତ କିଛି ଦିନ ହେଲା ନାଇଜେରିଆ ବାୟୁସେନା ପକ୍ଷରୁ ସେମାନଙ୍କ ଶିବିର ଉପରେ ପ୍ରବଳ ଆକ୍ରମଣ କରାଯାଉଛି । ବିମାନ ଆକ୍ରମଣ ଭୟରେ ସେମାନେ ଜାମଫାରା ଆଡ଼କୁ ପଳାଇଯାଉଥିବାଳେ ବାଟରେ ପଡ଼ିଥିବା ଅନକା ଓ ବୁକୁୟୁମ ଜିଲ୍ଲାର ପ୍ରାୟ ୧୦ଟି ଗାଁରେ ପଶି ଜଳାପୋଡ଼ା କରିବା ସହ ଆଖିମୁଜା ଗୁଳିମାଡ଼ କରି ପ୍ରାୟ ୨ ଶହ ଲୋକଙ୍କୁ ମାରି ଦେଇଛନ୍ତି । କେତେକ ରିପୋର୍ଟ ଅନୁସାରେ ସେମାନେ ଗ୍ରାମବାସୀଙ୍କ ଗୃହପାଳିତ ପଶୁମାନଙ୍କୁ ଅପହରଣ କରୁଥିବାବେଳେ ଗ୍ରାମବାସୀମାନେ ତାହାର ବିରୋଧ କରିଥିଲେ । ଫଳରେ ଡକାୟତମାନେ ଗ୍ରାମବାସୀଙ୍କ ଉପରକୁ ଗୁଳି ଚଳାଇଥିଲେ ।
ବିବିସିର ଏକ ରିପୋର୍ଟ ଅନୁସାରେ ଜାମଫାରା ଜିଲ୍ଲାରେ ଥିବା ୩ଟି ଗାଁ ରାଫିନ ଦାନ୍ୟା, କୁରଫା ଓରାଫିନ ଗେରୋକୁ ସଂପୂର୍ଣ୍ଣ ଭାବେ ପୋଡ଼ି ଦିଆଯାଇଛି ଓ ଲୋକମାନଙ୍କୁ ମାରିଦିଆଯାଇଛି ।