କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟପାଳ ଜଗଦୀପ ଧନଖରଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି | ରାଜ୍ୟପାଳ ଦୁର୍ନୀତିଗ୍ରସ୍ତ ବୋଲି ଆରୋପ ଲଗାଇବା ସହ ତାଙ୍କୁ ପଦରୁ ହଟାଇବା ପାଇଁ ୩ଥର ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିବା କହିଛନ୍ତି | ଏହା ସହ ଜୈନ ହାୱାଲା ମାମଲାରେ ସେ ସମ୍ପୃକ୍ତ ଥିବା ଅଭିଯୋଗ କରିବା ସହ ସେ ଉଦ୍ଦେଶ୍ୟମୂଳକ ଭାବେ ଉତ୍ତର ବେଙ୍ଗଲ ଯାତ୍ରା କରିଥିବା କହିଛନ୍ତି |

Advertisment

It's 'Mamata Banerjee vs Suvendu Adhikari' in Calcutta high court today | Kolkata - Hindustan Times Hindustan Times

ସେ କହିଛନ୍ତି ଯେ, ୧୯୯୬ ମସିହାର ଜୈନ ହାୱାଲା ମାମଲାରେ ରାଜ୍ୟପାଳ ଜଗଦୀପ ଧନଖର ଜଡିତ ଥିବା ନେଇ ମୋ ପାଖେ ସବିଶେଷ ତଥ୍ୟ ଅଛି | ଯଦିଓ ଏହି ମାମଲା ପ୍ରଥମେ କୋର୍ଟରେ ସମାଧାନ ହୋଇଥିଲା, ପରେ ଏକ ପିଆଇଏଲ ଦାଖଲ କରାଯାଇଥିଲା ଏବଂ ଏହି ମାମଲା ଏପର୍ଯ୍ୟନ୍ତ ସମାଧାନ ହୋଇ ନାହିଁ। ସେ ଜଣେ ଦୁର୍ନୀତିଗ୍ରସ୍ତ ବ୍ୟକ୍ତି। ଏହା କହି ମୁଁ ଦୁଃଖିତ କିନ୍ତୁ ସେ ଜଣେ ଦୁର୍ନୀତିଗ୍ରସ୍ତ ବ୍ୟକ୍ତି। କେନ୍ଦ୍ର ସରକାର କାହିଁକି ଏପରି ବ୍ୟକ୍ତିଙ୍କୁ ଆମ ରାଜ୍ୟପାଳ ଭାବରେ ନିଯୁକ୍ତ କରିଛନ୍ତି? ଯଦି କେନ୍ଦ୍ର ଜାଣିନଥାଏ ତେବେ ମୁଁ ସେମାନଙ୍କୁ କହିବି ଚାର୍ଜସିଟ୍ ବାହାର କରି ଦେଖନ୍ତୁ ତାଙ୍କ ନାମ ଅଛି କି ନାହିଁ | ତାଙ୍କୁ ଚାର୍ଜସିଟ୍ କରାଯାଇଥିଲା। ମୁଁ ବହୁତ ସହ୍ୟ କରିଛି କିନ୍ତୁ କିଛି କହିନାହିଁ | ଆମେ କ’ଣ ଖାଇବୁ, ତାହା କହିବାକୁ ସେ କିଏ? ସେ କାହିଁକି ଏକ ନିର୍ବାଚିତ ସରକାରକୁ ନିର୍ଦ୍ଦେଶ ଦେବେ ଯିଏ ଏତେ ବଡ଼ ଜନାଦେଶ ସହ ଜିତିଛନ୍ତି? ସେ ଉଭୟ ଉଚ୍ଚ ଅଧିକାରୀ ଓ ନିମ୍ନ ଅଧିକାରୀଙ୍କୁ ଧମକ ଦେଉଛନ୍ତି । ସେ ନିଜକୁ କଣ ବୋଲି ଭାବୁଛନ୍ତି? ସେ କେବଳ ଜଣେ ରାଜ୍ୟପାଳ |