ଜ୍ଞାନବାପି ମସ୍ଜିଦ ମାମଲା: ୪ ତାରିଖରେ ପରବର୍ତ୍ତୀ ଶୁଣାଣି, ମସ୍ଜିଦ ସର୍ଭେ ରିପୋଟର ଭିଡିଓ ଲିକ୍
ବାରଣାସୀ : ଜ୍ଞାନବାପି ମସ୍ଜିଦ ମାମଲାରେ ବିବାଦ ଦିନକୁ ଦିନ ଜଟିଳ ହବାରେ ଲାଗିଛି। ଆଜି ବାରଣାସୀ କୋର୍ଟରେ ଏ ବାବଦ ଶୁଣାଣି ପରେ ସର୍ଭେ ରିପୋର୍ଟର ଭିଡିଓ ଲିକ୍ ହୋଇଥିବାରୁ ଏହାକୁ ନେଇ ହିନ୍ଦୁ ପକ୍ଷ ଏହାର ଦୃଢ଼ ବିରୋଧ କରିଛି।
Sambad is now on WhatsApp
Join and get latest news updates delivered to you via WhatsApp
ହିନ୍ଦୁ ପକ୍ଷ ଓକିଲ ହରି ଶଙ୍କର ଜୈନ କହିଛନ୍ତି ଯେ ଆମେ ସର୍ଭେ ରିପୋର୍ଟକୁ ଏ ପର୍ଯ୍ୟନ୍ତ ଖୋଲିନଥିବା ବେଳେ ଏହାର ଭିଡିଓ ଟିଭିରେ ପ୍ରସାରିତ ହେଉଛି । ଏହା ସହିତ ସେ ସିଲ୍ ବନ୍ଦ ଲଫାଫା ଦେଖାଇଥିଲେ। ଏହି ଭିଡିଓ କିଭଳି ଲିକ୍ ହେଲା ତାହାର ଯାଞ୍ଚ କରିବାକୁ ସେ ଦାବି କରିଛନ୍ତି। ଏ ବାବଦରେ ଆସନ୍ତାକାଲି କୋର୍ଟରେ ଆପତ୍ତି ଦାଖଲ ହେବ ବୋଲି ସେ କହିଛନ୍ତି। ଅନ୍ୟପକ୍ଷରେ ଆଜି କୋର୍ଟରେ ଜ୍ଞାନବାପି ମାମଲାର ଶୁଣାଣି ପରେ ପରବର୍ତ୍ତୀ ଶୁଣାଣି ଆସନ୍ତା ୪ ତାରିଖରେ ହେବ ବୋଲି ଧାର୍ଯ୍ୟ ହୋଇଛି।