ଗାଜା: ଇସ୍ରାଏଲ ସୈନ୍ୟମାନଙ୍କୁ ସହଯୋଗ କରିଥିବା ଅଭିଯୋଗରେ ପାଲେଷ୍ଟାଇନ ଗୋଷ୍ଠୀ ପଶ୍ଚିମ ତଟରେ ୩ ଜଣଙ୍କୁ ହତ୍ୟା କରିଛନ୍ତି। ମିଡିଆ ରିପୋର୍ଟ ଅନୁଯାୟୀ, ଯେତେବେଳେ ଅଭିଯୁକ୍ତମାନଙ୍କୁ ଫାଶୀ ଦିଆଯାଉଥିଲା ସେତେବେଳେ ଲୋକମାନେ ଚିତ୍କାର କରୁଥିଲେ ଯେ ଆପଣ ଦେଶଦ୍ରୋହୀ, ଆପଣ ଗୁପ୍ତଚର ଏବଂ ତୁମର ମୁଣ୍ଡ କାଟି ଦିଆଯିବା ଉଚିତ।

Advertisment

ସୋସିଆଲ ମିଡିଆରେ ଭାଇରାଲ ହୋଇଥିବା ଫଟୋ ଓ ଭିଡିଓରେ ଦେଖିବାକୁ ମିଳୁଛି ଯେ ପାଲେଷ୍ଟାଇନ ନିୟନ୍ତ୍ରିତ ତୁଲକର୍ମ ସହରରେ ଥିବା ଏକ ବିଦ୍ୟୁତ ଖୁଣ୍ଟରେ ଦୁଇଟି ମୃତଦେହ ଝୁଲୁଥିବା ବେଳେ ସେଠାରେ ଥିବା ଲୋକଙ୍କ ଭିଡ଼ ସ୍ଲୋଗାନ ଦେଉଥିବା ଦେଖିବାକୁ ମିଳିଛି। ତୃତୀୟ ବ୍ୟକ୍ତି ଜଣଙ୍କୁ ଜେନିନରେ ହତ୍ୟା କରାଯାଇଛି ।

ଇସ୍ରାଏଲ ଓ ହମାସ ମଧ୍ୟରେ ହୋଇଥିବା ୪ ଦିନିଆ ଅସ୍ତ୍ରବିରତି ଚୁକ୍ତି ଅନୁଯାୟୀ ହାମାସ ଶୁକ୍ରବାର ୧୩ ଜଣ ଇସ୍ରାଏଲ ମହିଳା ଓ ଶିଶୁଙ୍କୁ ମୁକ୍ତ କରିବା ପରେ ଏହି ଘଟଣା ଘଟିଛି। ଆତଙ୍କବାଦୀ ସଂଗଠନ ହାମାସ ଥାଇଲାଣ୍ଡ ଓ ଫିଲିପାଇନ୍ସର ୧୧ ଜଣ କୃଷି ଶ୍ରମିକଙ୍କୁ ମୁକ୍ତ କରିଛି।

ଇସ୍ରାଏଲର ଏନ୍-୧୨ ନ୍ୟୁଜ୍ ଚ୍ୟାନେଲ୍ର ରିପୋର୍ଟ ଅନୁସାରେ ମୃତକମାନେ ହେଲେ ୩୧ ବର୍ଷୀୟ ହମଜା ମୁବାରକ ଓ ୨୯ ବର୍ଷୀୟ ଆଜମ ଜୁବ୍ରା। ମୃତକମାନେ ଇସ୍ରାଏଲ ସେନାକୁ ସୂଚନା ଦେଇଥିବା ଅଭିଯୋଗ ହୋଇଥିଲା। ଏହି ଲୋକମାନେ ଏକ ଭିଡିଓରେ ସ୍ୱୀକାର କରିଥିଲେ ଯେ ସେମାନେ ଆଇଡିଏଫକୁ ସାହାଯ୍ୟ କରିବା ପାଇଁ ଟଙ୍କା ପାଇଥିଲେ।