‘ଭାରତ ଯୋଡ଼ ଯାତ୍ରାରେ ବ୍ୟବହୃତ ଗାଡି ପାଇଁ ବିଜେପି ଶାସିତ ରାଜ୍ୟରେ ଡିଜେଲ ପକାଅ’ ଏଭଳି କାହିଁକି କହିଲେ କେନ୍ଦ୍ର ମନ୍ତ୍ରୀ ଜାଣନ୍ତୁ
ନୂଆଦିଲ୍ଲୀ: କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ କଂଗ୍ରେସର ଭାରତ ଯୋଡ ଯାତ୍ରାକୁ ନେଇ କଟାକ୍ଷ କରିଛନ୍ତି | ସେ କହିଛନ୍ତି ଯେ ଭାରତ ଯୋଡ଼ ଯାତ୍ରା ସମୟରେ ନିୟୋଜିତ ଗାଡ଼ିଗୁଡ଼ିକ ପାଇଁ ବିଜେପି ଶାସିତ ରାଜ୍ୟମାନଙ୍କରୁ ତେଲ ଭରନ୍ତୁ | ଏହାଦ୍ୱାରା ବହୁତ ଅର୍ଥ ସଞ୍ଚୟ ହେବ | ବାସ୍ତବରେ ପୁରୀ ଏହି କଟାକ୍ଷ କରିବା ପଛର କାରଣ ହେଉଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନ କ୍ରମେ ବିଜେପି ଶାସିତ ରାଜ୍ୟଗୁଡ଼ିକ ପେଟ୍ରୋଲ ଏବଂ ଡିଜେଲ ଉପରେ ଭାଟ୍ ଲାଗୁ କରିଥିଲେ । ତେବେ କିଛି ଅଣ ବିଜେପି ରାଜ୍ୟ ଏହା କରିବାକୁ ମନା କରି ଦେଇଥିଲେ । ଆଉ ଏହା ଦ୍ୱାରା ବିଜେପି ଶାସିତ ରାଜ୍ୟଗୁଡିକରେ ପେଟ୍ରୋଲ ଓ ଡିଜେଲ ମୂଲ୍ୟ ଅଣ ବିଜେପି ଶାସିତ ରାଜ୍ୟ ତୁଳନାରେ କମ ରହିଛି |
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ କେନ୍ଦ୍ର ମନ୍ତ୍ରୀ ହରଦୀପ ପୁରୀ କହିଛନ୍ତି ଯେ ଯାତ୍ରା ସମୟରେ ୧୨ଟି ରାଜ୍ୟ ଦେଇ ୩୫୦୦ କିଲୋମିଟର ଯାତ୍ରା କରୁଥିବା ଡିଜେଲ ଗାଡିରେ କଂଗ୍ରେସ ନେତାମାନେ ୧୦୫୦-୨୨୦୫ ଟଙ୍କା ପର୍ଯ୍ୟନ୍ତ ସଞ୍ଚୟ କରିପାରିବେ। ଏକ ଟୁଇଟ୍ କରି କେନ୍ଦ୍ର ମନ୍ତ୍ରୀ କହିଛନ୍ତି, “କଂଗ୍ରେସକୁ ଉପଦେଶ ହେଉଛି କୌଣସି ରାଜ୍ୟରେ ପ୍ରବେଶ କରିବା ପୂର୍ବରୁ ବିଜେପି ଶାସିତ ରାଜ୍ୟରେ ତେଲ ଭରିଦିଅନ୍ତୁ | ତେଲେଙ୍ଗାନା, ଜମ୍ମୁକଶ୍ମୀର ମଧ୍ୟରେ ଇନ୍ଧନ ମୂଲ୍ୟରେ ଲିଟର ପିଛା ୧୪ ଟଙ୍କା ପାର୍ଥକ୍ୟ ରହିଛି |
ତେଣୁ ରାଜସ୍ଥାନ ବଦଳରେ ଉତ୍ତରପ୍ରଦେଶରେ ତେଲ ଭରିବା ଦ୍ୱାରା ଲିଟର ପିଛା ୩ ଟଙ୍କା ୯୬ ପଇସା, ଦିଲ୍ଲୀ ବଦଳରେ ହରିୟାଣାରେ ତେଲ ଭରିବା ଦ୍ୱାରା ଲିଟର ପିଛା ୩ ଟଙ୍କା ୭ ପଇସା, ତେଲେଙ୍ଗାନା ବଦଳରେ ମହାରାଷ୍ଟ୍ରରେ ତେଲ ଭରିବା ଦ୍ୱାରା ୩ ଟଙ୍କା ୫୫ ପଇସା ସଞ୍ଚୟ ହେବ | ପୁରୀ କହିଛନ୍ତି ଯେ ମୋଟାମୋଟି କହିବାକୁ ଗଲେ ୧୨ଟି ରାଜ୍ୟରେ ୩୫୦୦ କିଲୋମିଟର ଯାତ୍ରା କରିବା ଦ୍ୱାରା ଯଦି ଏହି ଉପଦେଶକୁ କଂଗ୍ରେସ ମାନିବ ତେବେ ୧ ହଜାର ଟଙ୍କାରୁ ୨ ହଜାର ଟଙ୍କା ପର୍ଯ୍ୟନ୍ତ ସଞ୍ଚୟ କରିପାରିବ | ଆଉ ଏହି ଉପଦେଶ ପାଇଁ ଯାତ୍ରା ସରିବା ପରେ ମୋତେ ଟିକେ ଧନ୍ୟବାଦ କହିଦେବ’ |