‘ଶୋଲେ’ ଫିଲ୍ମର ‘ଜୟ ଓ ଭୀରୁ’ ଅବତାରରେ ନଜର ଆସିଲେ ହାର୍ଦ୍ଦିକ ପାଣ୍ଡ୍ୟା ଓ ଧୋନି, ଭାଇରାଲ ହେଲା ଫଟୋ
ନୂଆଦିଲ୍ଲୀ: ଭାରତୀୟ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି। କିଛି ସମୟ ମଧ୍ୟରେ ଏହି ଫଟୋକୁ ହଜାରେ ଥର ରିଟ୍ୱିଟ କରାଯାଇଛି ଏବଂ ଏହାକୁ ଲକ୍ଷ ଲକ୍ଷ ୟୁଜର୍ସ ଲାଇକ କରିଛନ୍ତି।
ଏହି ଫଟୋ ଭାଇରାଲ ହେବାର ଦୁଇଟି ବଡ଼ କାରଣ ଅଛି । ପ୍ରଥମତଃ ଏହି ଫଟୋରେ ହାର୍ଦ୍ଦିକ ପାଣ୍ଡ୍ୟା ଧୋନିଙ୍କ ସହ ନଜର ଆସିଛନ୍ତି, ପଡ଼ିଆ ବାହାରେ ଧୋନିଙ୍କ ଫଟୋ ସୋସିଆଲ ମିଡିଆରେ ଖୁବ କମ ଦେଖିବାକୁ ମିଳିଥାଏ ଏବଂ ଦ୍ୱିତୀୟରେ, ଏହି ଫଟୋ ଶୋଲେ ଫିଲ୍ମର ‘ଜୟ ଓ ଭୀରୁ’ ଅବତାରରେ କ୍ଲିକ୍ କରାଯାଇଛି ।
Sholay 2 coming soon 😉 pic.twitter.com/WixkPuBHg0
— hardik pandya (@hardikpandya7) January 26, 2023
ଏହି ଫଟୋରେ ହାର୍ଦ୍ଦିକ ଏବଂ ଧୋନି ସେହି ବାଇକରେ ବସିଛନ୍ତି ଯାହା ଶୋଲେରେ ଦେଖାଯାଇଥିଲା । ଜୟ ଅର୍ଥାତ୍ ଅମିତାଭ ବଚ୍ଚନ ଓ ଭୀରୁ ଅର୍ଥାତ୍ ଧର୍ମେନ୍ଦ୍ର ସର୍ବଦା ସମାନ ବାଇକରେ ‘ଶୋଲେ’ରେ ନଜର ଆସିଥିଲେ, ଯାହା ଭାରତୀୟ ସିନେମାର ଅନ୍ୟତମ ପ୍ରସିଦ୍ଧ ଚଳଚ୍ଚିତ୍ର ଅଟେ। ଏହି ଫଟୋର କ୍ୟାପସନରେ ହାର୍ଦ୍ଦିକ ଲେଖିଛନ୍ତି, ‘ଶୋଲେ-୨ ଶୀଘ୍ର ଆସିବ’।
