ହରିଦ୍ୱାରକୁ ଅସ୍ଥି ବିସର୍ଜନ କରିବାକୁ ଯାଉଛନ୍ତି କି? ଜାଣିରଖନ୍ତୁ ଜାରି ହୋଇଛି ଏଇ ନିୟମ
ହରିଦ୍ୱାର : ଗଙ୍ଗାରେ ପିତୃ ପୁରୁଷଙ୍କର ଅସ୍ଥି ବିସର୍ଜନ ପାଇଁ ଆପଣ ହରିଦ୍ୱାର ଯିବାକୁ ବିଚାର କରୁଛନ୍ତି କି? ଯଦି ହଁ ତେବେ ହରିଦ୍ୱାର ଯିବା ପୂର୍ବରୁ ଏହି ସବୁ ନୂଆ ନିୟମ ଜାଣିନିଅନ୍ତୁ | କାରଣ ଏହି ନୂଆ ନିୟମ ପାଳନ ନ କଲେ ଆପଣଙ୍କୁ ହରିଦ୍ୱାରରେ ପ୍ରବେଶ ପାଇଁ ଅନୁମତି ମିଳିବ ନାହିଁ |
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ପ୍ରଶାସନର ନୂଆ ନିୟମ ମୁତାବକ ଏଣିକି ହରିଦ୍ୱାର ଆସୁଥିବା ପର୍ଯ୍ୟଟକଙ୍କ ପାଇଁ କୋଭିଡ ନେଗେଟିଭ ରିପୋର୍ଟ ବାଧ୍ୟତାମୂଳକ କରାଯାଇଛି | ସେହିପରି ହରିଦ୍ୱାର ଆସିବା ପୂର୍ବରୁ ହରିଦ୍ୱାରର ସ୍ମାର୍ଟ ସିଟି ପୋର୍ଟାଲ smartcitydehradun.uk.gov.in ରେ ପଞ୍ଜିକରଣ କରିବାକୁ ପଡିବ | ଗଙ୍ଗା ନଦୀରେ ଅସ୍ଥି ବିସର୍ଜନ ପାଇଁ ଆସୁଥିବା ଲୋକଙ୍କୁ ଆରଟିପିସିଆର ରିପୋର୍ଟ ଦେଖାଇବାକୁ ପଡିବ |
ତେବେ ଜଣେ ଯଦି କୋଭିଡ ଟିକାର ଦୁଇଟି ଡୋଜ ନେଇଥିବେ, ତେବେ ଏହି ରିପୋର୍ଟ ଦେଖାଇବାର ଆବଶ୍ୟକତା ନାହିଁ | ଆସନ୍ତା ଛଅ ତାରିଖ ଯାଏଁ ଏହି ନିୟମ ଲାଗୁ କରାଯାଇଛି |
ସୂଚନା ଥାଉ କି ବୋଲବମ ଭକ୍ତଙ୍କ ପାଇଁ ପ୍ରବେଶରେ ପ୍ରତିବନ୍ଧକ ଥିବା ସତ୍ୱେ କିଛି କାଉଡିଆ ଲୁଚି ଲୁଚି ହରିଦ୍ୱାର ଆସୁଛନ୍ତି | ଏମାନେ ପ୍ରଶାସନ ଆଗରେ ମିଛରେ ଅସ୍ଥି ବିସର୍ଜନ କଥା କହୁଥିବାରୁ ଜିଲ୍ଲା ପ୍ରଶାସନ ଏଭଳି ପଦକ୍ଷେପ ନେଇଛି |