ନୀରଜଙ୍କୁ ୬କୋଟି ଓ ବଜରଙ୍ଗଙ୍କୁ ୨.୫କୋଟି ଟଙ୍କା ସହ ଏହି ସବୁ ସୁବିଧା ଦେବେ ହରିଆଣା ମୁଖ୍ୟମନ୍ତ୍ରୀ
ନୂଆଦିଲ୍ଲୀ: ଭାରତର ୧୨୫ ବର୍ଷର ସ୍ବପ୍ନକୁ ପୂରଣ କରିଛନ୍ତି ଜାଭଲିନ୍ ଫିଙ୍ଗାଳି ନୀରଜ ଚୋପ୍ରା | ୧୨୫ ବର୍ଷରୁ ଅଧିକ ହେବ ଦୌଡ଼କୁଦରେ ଭାରତକୁ ପଦକଟିଏ ମିଳିନଥିଲେ | ହେଲେ ଆଜି ଦୌଡ଼କୁଦରେ ସ୍ବର୍ଣ୍ଣ ପଦକ ଜିତି ସମସ୍ତ ଭାରତୀୟଙ୍କୁ ଗର୍ବିତ କରିଛନ୍ତି ଜାଭଲିନ୍ ଫିଙ୍ଗାଳି ନୀରଜ ଚୋପ୍ରା | ନୀରଜଙ୍କ ଏଭଳି ଐତିହାସିକ ବିଷୟ ପରେ ତାଙ୍କୁ ୬କୋଟି ଟଙ୍କାର ପୁରସ୍କାର ରାଶି ଦେବାକୁ ଘୋଷଣା କରିଛନ୍ତି ହରିଆଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର |
Sambad is now on WhatsApp
Join and get latest news updates delivered to you via WhatsApp
ନୀରଜ ଚୋପ୍ରାଙ୍କ ସଫଳତା ପରେ ତାଙ୍କୁ ୬କୋଟି ଟଙ୍କା ଏବଂ କ୍ଲାସ ୱାନ ଚାକିରି ଦିଆଯିବ। ଆମେ ପଞ୍ଚକୁଲାରେ ଆଥଲେଟମାନଙ୍କ ପାଇଁ ଏକ ସେଣ୍ଟର ଅଫ୍ ଏକ୍ସଲେନ୍ସ ନିର୍ମାଣ କରିବୁ, ଯେଉଁଠାରେ ସେ ଚାହିଁଲେ ମୁଖ୍ୟ ରହିପାରିବେ | ତାଙ୍କୁ ଅନ୍ୟ ଖେଳାଳିଙ୍କ ପରି ୫୦% ରିହାତି ସହିତ ଏକ ପ୍ଲଟ୍ ଦିଆଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର |
ସେହିଭଳି କୁସ୍ତିରେ ଆଜି ବ୍ରୋଞ୍ଜ ପଦକ ଜିତିଥିବା ବଜରଙ୍ଗ ପୁନିଆଙ୍କୁ ୨.୫କୋଟି ଦେବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର | ସେ କହିଛନ୍ତି, ଟୋକିଓ ୨୦୨୦ରେ ବ୍ରୋଞ୍ଜ ପଦକ ଜିତିଥିବାରୁ ହରିଆଣା ସରକାର କୁସ୍ତିଯୋଦ୍ଧା ବଜରଙ୍ଗ ପୁନିଆଙ୍କୁ ୫୦% ରିହାତିରେ ପ୍ଲଟ୍ ଦେବା ସହ ୨.୫ କୋଟି ଟଙ୍କା ଏବଂ ସରକାରୀ ଚାକିରି ପ୍ରଦାନ କରାଯିବ । ଝାଜରରେ ଥିବା ଗାଁ ଖୁଦାନରେ ଏକ ଇନଡୋର ଷ୍ଟାଡିୟମ ନିର୍ମାଣ ହେବ |