କିଛି ଦିନ ପାଇଁ ରାଷ୍ଟ୍ରପତି ହେବେ ହାରିସ

ୱାସିଂଟନ୍‌  : ଆମେରିକା ଉପରାଷ୍ଟ୍ରପତି କମଳା ହାରିସ କିଛି ଦିନ ପାଇଁ ଆମେରିକାର ରାଷ୍ଟ୍ରପତି ହେବେ। ରାଷ୍ଟ୍ରପତି ଜୋ ବାଇଡେନ୍‌ ହାରିସଙ୍କୁ ଏହି କ୍ଷମତା ହସ୍ତାନ୍ତର କରିବେ। ବାଇଡେନ୍‌ ତାଙ୍କର ରୁଟିନ୍‌ ସ୍ବାସ୍ଥ୍ୟ ପରୀକ୍ଷା ପାଇଁ ହସ୍ପିଟାଲ ଯାଇଥିବାରୁ ତାଙ୍କ ସ୍ଥାନରେ ହାରିସ ଦାୟିତ୍ବ ସମ୍ଭାଳିବେ। ଆମେରିକାର ସାମ୍ବିଧାନିକ ନୀତି ନିୟମ ଅନୁଯାୟୀ ହାରିସ ରାଷ୍ଟ୍ରପତି ଭାବେ ଦାୟିତ୍ବ ତୁଲାଇବେ ଏବଂ ଏହି ସମୟରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି ମଧ୍ୟ ନେଇପାରିବେ। ତେବେ ହାରିସ ପ୍ରଥମ ଭାରତୀୟ ବଂଶୋଦ୍ଭବ ମହିଳା ଭାବେ ସୀମିତ ସମୟ ପାଇଁ ଆମେରିକାର ରାଷ୍ଟ୍ରପତି ହୋଇ ଇତିହାସ ସୃଷ୍ଟି କରିବେ।