ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟର କୋଭିଡ୍-୧୯ ଦ୍ବାରା ଆକ୍ରାନ୍ତ

ନୂଆଦିଲ୍ଲୀ:  ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟାର ତାଙ୍କ ନମୁନା କୋଭିଡ୍-୧୯ ପଜିଟିଭ୍ ହୋଇଥିବା କଥା ସୋମବାର ଦିନ ପ୍ରକାଶ କରିଛନ୍ତି । ଏଥିସହ ସେ ଅନୁରୋଧ କରିଛନ୍ତି ଯେ, ଯେଉଁ ବ୍ୟକ୍ତିବିଶେଷ ତାଙ୍କ ସଂସ୍ପର୍ଶରେ ଆସିଛନ୍ତି, ସେମାନେ ତୁରନ୍ତ ଏକାନ୍ତବାସରେ ରୁହନ୍ତୁ।

ଟୁଇଟର୍‌ରେ ମୁଖ୍ୟମନ୍ତ୍ରୀ ଲେଖିଛନ୍ତି, ଆଜି ମୁଁ କରୋନାଭାଇରସ୍ ଟେଷ୍ଟ୍‌ କରାଇଥିଲି। ମୋ ରିପୋର୍ଟ ପଜିଟିଭ୍ ଆସିଥିବା ଜଣାପଡ଼ିଛି। ସମସ୍ତ ସହକର୍ମୀ ଓ ସହଯୋଗୀଙ୍କୁ ଅନୁରୋଧ କରେ କି, ଗତ ଏକ ସପ୍ତାହ ପୂର୍ବରୁ ଯେଉଁମାନେ ମୋ ସଂସ୍ପର୍ଶରେ ଆସିଛନ୍ତି ସେମାନେ ପରୀକ୍ଷା କରାଇ ନିଅନ୍ତୁ। ମୋ ନିବିଡ଼ ସଂସ୍ପର୍ଶରେ ଆସୁଥିବା ବ୍ୟକ୍ତିଙ୍କୁ ଅନୁରୋଧ ସେମାନେ ତୁରନ୍ତ ନିଷ୍ଠାପର ଭାବେ କ୍ବାରେଣ୍ଟିନ୍‌ରେ ରୁହନ୍ତୁ।

 

I was tested for Novel Corona Virus today. My test report has returned positive.

I appeal to all colleagues and associates who came in my contact over the last week to get themselves tested. I request my close contacts to move into strict quarantine immediately.

— Manohar Lal (@mlkhattar) August 24, 2020

ଆଜି ସକାଳେ ମଧ୍ୟ ହରିୟାଣା ବିଧାନସଭାର ବାଚସ୍ପତି ଜ୍ଞାନଚାନ୍ଦ ଗୁପ୍ତ ଏବଂ ଅନ୍ୟ ଦୁଇଜଣ ବିଜେପି ବିଧାୟକ କରୋନାଭାଇରସ୍ ପଜିଟିଭ୍ ଟେଷ୍ଟ୍‌ ହୋଇଥିଲେ। ବିଧାନସଭାର ଛଅଜଣ କର୍ମଚାରୀ ମଧ୍ୟ କରୋନାଭାଇରସ୍ ଦ୍ବାରା ଆକ୍ରାନ୍ତ ହୋଇଛନ୍ତି।