ଚର୍ଚ୍ଚାରେ ଫୁଟପାଥରେ ରହୁଥିବା ପ୍ରବାସୀ ଶ୍ରମିକଙ୍କ ଝିଅ; ଦଶମ ପରୀକ୍ଷାରେ ରଖିଲେ ୮୦% ନମ୍ବର
ରୋହତକ: ପୂଜା ରାନୀଙ୍କୁ ନେଇ ତମାମ୍ ଦେଶରେ ଚର୍ଚ୍ଚା। ମଧ୍ୟପ୍ରଦେଶର ଜନୈକ ପ୍ରବାସୀ ଶ୍ରମିକ କନ୍ୟା ପୂଜା ହରୟାଣା ରାଜ୍ୟ ବୋର୍ଡର ୧୦ମ ଶ୍ରେଣୀ ପରୀକ୍ଷାରେ ୮୦.୪% ନମ୍ବର ରଖିବା ସହ ପ୍ରମାଣିତ୍ କରି ଦେଖାଇ ଦେଇଛନ୍ତି ଯେ ଦୃଢ଼ ଇଚ୍ଛା ଶକ୍ତି ଥିଲେ କିଛି ବି ଅସମ୍ଭବ ନୁହେଁ।
Sambad is now on WhatsApp
Join and get latest news updates delivered to you via WhatsApp
ହରିୟାଣାର ରୋହତକ କଲୋନିର ଫୁଟପାଥରେ ଏକ ୧୦ଫୁଟରେ ୧୦ ଫୁଟ ସେଡ୍ରେ ପିତାମାତା ଏବଂ ତିନି ଭଉଣୀଙ୍କ ସହିତ ରହୁଥିବା ପୂଜା କହିଛନ୍ତି ଯେ ମୋର ଏଇ ମାଟ୍ରିକ୍ ଫଳାଫଳ ମୋ ପାଇଁ ବହୁତ କିଛି ମାନେ ରଖେ। ପାଞ୍ଚ ବର୍ଷ ପୂର୍ବେ, ମୁଁ ମୋର ଶିକ୍ଷା ‘ଗାନ୍ଧୀ ବିଦ୍ୟାଳୟ’ରୁ ଆରମ୍ଭ କଲି- ତା’ ଆଗରୁ ରାସ୍ତା କଡ଼ର ଷ୍ଟ୍ରିଟ ଲାଇଟ୍ ତଳେ ଚାଲିଥିବା ଏକ ଅନୌପଚାରିକ ବିଦ୍ୟାଳୟରେ ପଢ଼ୁଥିଲି। ଯେଉଁଠାରେ ସଂଖ୍ୟାରେ ପ୍ରବାସୀ ଶ୍ରମିକ ଶିକ୍ଷା ପାଆନ୍ତି।
Pooja Rani, daughter of a migrant worker, scored 80.4% marks in Class X exams of HBSE. Living in a 10×10 tin shed on a footpath with her family, the girl has proved that nothing is impossible.
Pooja, you are an inspiration for all of us!#MondayMotivation https://t.co/QI3I5DGZtl— Dr. Ramesh Pokhriyal Nishank (@DrRPNishank) July 13, 2020
ପୂଜାଙ୍କ ପିତା କୈଳାଶ କୁମାର ଜଣେ ଦିନ ମଜୁରିଆ ହୋଇଥିବା ବେଳେ ମା’ ତାଙ୍କର ପର ଘରେ ଘରସଫା, ବାସନ ମଜା କାମ କରିଥାନ୍ତି। କୈଳାଶ ଓ ତାଙ୍କ ପତ୍ନୀ ଉଭୟେ ନିରକ୍ଷର। ସେମାନଙ୍କର ଅଧିକାଂଶ ସମୟ ଜୀବିକା ନିର୍ବାହ ପାଇଁ ସଂଘର୍ଷରେ କଟିଥାଏ।
ପୂଜାଙ୍କର ଏହି ବିରଳ ସଫଳତାରେ ତାଙ୍କୁ ଟୁଇଟ୍ ଜରିଆରେ ଅଭିନନ୍ଦନ ଜଣାଇଛନ୍ତି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରୀୟାଲ ନିଶାଙ୍କ । ମନ୍ତ୍ରୀ ତାଙ୍କ ଟୁଇଟରେ ପୂଜାଙ୍କୁ ଅଭିନନ୍ଦନ ଜଣାଇବା ସହ ଲେଖିଛନ୍ତି ଯେ ‘ଅସମ୍ଭବ ବୋଲି କିଛି ନାହିଁ’; ଏହାକୁ ପ୍ରମାଣିତ କରି ଦେଖାଇଛନ୍ତି ପୂଜା।