ବିଜେପି ନେତାଙ୍କ ବିବାଦୀୟ ବୟାନ: ମହାରାଷ୍ଟ୍ରରେ ସବୁ ଦିନ ହାଥରାସ୍ ଭଳି ଘଟଣା ଘଟୁଛି
ମୁମ୍ବାଇ: ହାଥରାସ୍ ଗଣଦୁଷ୍କର୍ମକୁ ନେଇ ରାଜନୀତି ତୀବ୍ର ହେବାରେ ଲାଗିଛି। ଦେଶବାସୀ ଏବେ ଉତ୍ତରପ୍ରଦେଶର ଯୋଗୀ ସରକାର ଇସ୍ତଫା ଦାବି କରୁଛନ୍ତି। ନିଜ ଦଳ ଉପରେ ହେଉଥିବା ଆକ୍ରମଣକୁ ଦେଖି ମହାରାଷ୍ଟ୍ରର ବିଜେପି ନେତା ପ୍ରବୀଣ ଦାରେକର କହିଛନ୍ତି ଯେ, ହାଥରାସ୍ ଭଳି ଘଟଣା ମହାରାଷ୍ଟ୍ରରେ ପ୍ରତିଦିନ ଘଟେ।
Sambad is now on WhatsApp
Join and get latest news updates delivered to you via WhatsApp
ବିଧାନ ପରିଷଦରେ ବିରୋଧୀ ଦଳର ନେତା ପ୍ରବୀଣ ଦାରେକର କହିଛନ୍ତି ଯେ, ଯଦି ଶିବସେନା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଇସ୍ତଫା ଦାବି କରୁଛି, ତେବେ ପ୍ରତିଦିନ ଆମକୁ ମହାରାଷ୍ଟ୍ରରେ ଏଭଳି ଦାବି କରିବା ଉଚିତ ଯେହେତୁ ହାଥରାସ୍ ଭଳି ଘଟଣା ପ୍ରତିଦିନ ଏଠାରେ ଘଟେ। କନ୍ନଡ, ଫୁଲାମ୍ବରୀ, ଖୁଲଦାବାଦ ଏବଂ ଔରାଙ୍ଗାବାଦ ଗସ୍ତରେ ଆସିଥିବା ଦାରେକର କହିଛନ୍ତି ଯେ, ସମ୍ପ୍ରତି ପ୍ରବଳ ବର୍ଷା ହେତୁ ଫସଲ କ୍ଷୟକ୍ଷତିର ଆକଳନ କରିବା ଏବଂ ଏକ ସପ୍ତାହ ମଧ୍ୟରେ ପ୍ରଭାବିତ ଚାଷୀଙ୍କୁ ଆରାମ ପ୍ରଦାନ କରିବା ପାଇଁ ଉଦ୍ଧବ ଠାକରେ ସରକାର ଶୀଘ୍ର ସର୍ଭେ କରିବା ଉଚିତ। ତେବେ ହାଥରାସ ଘଟଣାକୁ ନେଇ ଏବେ ଦେଶରେ ତୀବ୍ର ପ୍ରତିକ୍ରିୟା ଦେଖା ଦେଇଛି। ପୀଡ଼ିତାଙ୍କ ଘରକୁ କୌଣସି ରାଜନେତା ବା ସାମ୍ବାଦିକଙ୍କୁ ଛଡ଼ା ନ ଯିବା ଘଟଣାକୁ ନେଇ ଏବେ ବିବାଦ ଆରମ୍ଭ ହୋଇଛି।