ଭିଡ ହିଂସା ନାଁରେ ହିନ୍ଦୁ ମାନଙ୍କୁ ବଦନାମ କରିବାକୁ ଷଡଯନ୍ତ୍ର ଚାଲିଛି : ଆରଏସଏସ ମୁଖ୍ୟ
ବୃନ୍ଦାବନ : ଦେଶରେ ସଂଖ୍ୟାଲଘୁ ମାନଙ୍କ ଉପରେ ବଢିଚାଲିଥିବା ଅତ୍ୟାଚାରକୁ ନେଇ ବିତର୍କ ଚାଲିଥିବାବେଳେ ଏ ସଂପର୍କରେ ମୁହଁ ଖୋଲିଛନ୍ତି ଆରଏସଏସ ମୁଖ୍ୟ ମୋହନ ଭାଗବତ । ଉତ୍ତରପ୍ରଦେଶର ଧାର୍ମିକ ନଗରୀ ବୃନ୍ଦାବନରେ ଏକ ସମାରୋହରେ ଉଦବୋଧନ ଦେଇ ସେ କହିଛନ୍ତି ଯେ ଭାରତରେ ହିନ୍ଦୁଧର୍ମକୁ ବଦନାମ କରିବାକୁ ଷଡ଼ଯନ୍ତ୍ର କରାଯାଉଛି । ସଂଖ୍ୟାଲଘୁମାନଙ୍କ ଉପରେ ଅତ୍ୟାଚାର କରି କେତେକ ଅସମାଜିକ ଗୋଷ୍ଠୀ ଦେଶରେ ଘୃଣାଭାବ ସୃଷ୍ଟି କରୁଛନ୍ତି । ହିନ୍ଦୁ ସଂସ୍କୃତିକୁ ବଦନାମ କରିବାକୁ ଚେଷ୍ଟା କରୁଥିବା ଲୋକମାନଙ୍କଠାରୁ ସତର୍କ ରହିବାକୁ ସେ ସଂଘର ପ୍ରଚାରକମାନଙ୍କୁ ସତର୍କ କରାଇଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଗୋରକ୍ଷା ନାଁରେ ମଧ୍ୟ କେତେକ ଗୋଷ୍ଠୀ ଭିଡ ହିଂସା କରି ସମାଜରେ ଘୃଣାଭାବ ସୃଷ୍ଟି କରୁଛନ୍ତି । ସେହିପରି କେତେକ ରାଜ୍ୟରେ ଅତ୍ୟନ୍ତ ଗୋପନରେ ଧର୍ମାନ୍ତରୀକରଣ ଚାଲିଛି ।
ଦେଶରେ ଭୀଡ ହିଂସା ବଢିଚାଲିଥିବାରୁ କିଛି ଦିନ ତଳେ ଦେଶର ୪୯ ଜଣ ବୁଦ୍ଧିଜୀବି ଓ କଳାକାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପତ୍ର ଲେଖିଥିଲେ । ଏହାର ଜବାବରେ ଆଉ ୬୧ ଜଣ ବୁଦ୍ଧିଜୀବି ଓ କଳାକାର ପତ୍ର ଲେଖ ପ୍ରଥମ ୪୯ ଜଣଙ୍କୁ ନିନ୍ଦା କରିଥିଲେ ।