ତୁମର ସବୁ କଲ ରେକର୍ଡ ମୋ ପାଖରେ ଅଛି, କଶ୍ମୀର ଯିବା ଭଳି କାମ କର ନାହିଁ: ବେଙ୍ଗଲ ଏସପିଙ୍କୁ କହିଲେ ବିଜେପି ନେତା ଶୁଭେନ୍ଦୁ ଅଧିକାରୀ
କୋଲକାତା: ତୁମର ସବୁ କଲ ରେକର୍ଡ ମୋ ପାଖରେ ଅଛି, କଶ୍ମୀର ଯିବା ଭଳି କାମ କର ନାହିଁ | ପଶ୍ଚିମବଙ୍ଗର ବିଜେପି ନେତା ଶୁଭେନ୍ଦୁ ଅଧିକାରୀ ଜଣେ ଏସପିଙ୍କୁ ଏଭଳି ଧମକ ଦେଇଥିବା ଜଣାପଡ଼ିଛି | ପୂର୍ବ ମେଦିନୀପୁରର ଏସପି ଅମରନାଥ କେଙ୍କ ବାର୍ତ୍ତାଳାପର ରେକର୍ଡିଙ୍ଗ ରଖିଥିବା କଥା କହିବା ସହ ତାଙ୍କୁ ସାବଧାନର ସହ କାମ କରିବାକୁ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଆଇପିଏସ୍ ଅଧିକାରୀଙ୍କୁ ଶୁଭେନ୍ଦୁ ଅଧିକାରୀ ଚେତାବନୀ ଦେଇ କହିଛନ୍ତି ଯେ, “ଜଣେ ଯୁବକ ଅମରନାଥ କେ ଏଠାକୁ ଏସପି ହୋଇ ଆସିଛନ୍ତି | ସେ ଯାହା କରୁଛନ୍ତି ମୁଁ ଜାଣେ | ମୁଁ ଜଣେ ପୁରୁଣା ଖେଳାଳି। ମୁଁ ତାଙ୍କୁ କହିବାକୁ ଚାହେଁ ଯେ ଆପଣ ଜଣେ କେନ୍ଦ୍ରୀୟ କ୍ୟାଡର ଅଧିକାରୀ ତେଣୁ ଏଭଳି କୌଣସି ଜିନିଷରେ ଜଡିତ ହୁଅନ୍ତୁ ନାହିଁ, ଯାହା ପାଇଁ ଆପଣଙ୍କୁ କଶ୍ମୀରର ଅନନ୍ତନାଗ କିମ୍ବା ବାରାମୁଲ୍ଲାକୁ ପଠାଇଦିଆଯିବ । ପୁତୁରା(ଟିଏମସି ସାଂସଦ ଅଭିଷେକ ବାନାର୍ଜୀ) କାର୍ଯ୍ୟାଳୟରୁ ଯେଉଁମାନେ ଆପଣଙ୍କୁ କଲ କରୁଛନ୍ତି, ମୁଁ ପ୍ରତ୍ୟେକ କଲର ରେକର୍ଡିଙ୍ଗ ରଖିଛି | ଯଦି ଆପଣଙ୍କ ସହିତ ରାଜ୍ୟ ସରକାର ଅଛନ୍ତି, ଆମ ସହିତ କେନ୍ଦ୍ର ସରକାର ଅଛନ୍ତି |