୩୦ ଜଣ ଛାତ୍ରଙ୍କୁ ଗୋଟାଏ ସିରିଞ୍ଜ୍ରେ ଦିଆଗଲା ଟିକା; ପଚାରିବାରୁ କହିଲେ ମୋର୍ କ’ଣ ଭୁଲ୍?
ଭୋପାଳ: ମଧ୍ୟପ୍ରଦେଶରେ ଘଟିଛି ଏକ ଚକିତ କରିବା ପରି ଘଟଣା। ଗୋଟାଏ ସିରିଞ୍ଜରେ ୩୦ ଜଣ ଛାତ୍ରଙ୍କୁ ଟିକା ଦିଆ ଯାଇଥିବା ପରି ଅଭାବନୀୟ ଘଟଣା ଦେଖିବାକୁ ମିଳିଛି। ତେବେ ଯିଏ ଟିକା ଦେଉଥିଲେ ତାଙ୍କ ନାଁ ହେଉଛି ଜିତେନ୍ଦ୍ର। ଜିଜେନ୍ଦ୍ରଙ୍କ କହିବା କଥା ହେଉଛି ତାଙ୍କୁ କର୍ତ୍ତୃପକ୍ଷ ଗୋଟାଏ ସିରିଞ୍ଜ ଦେଇ ଟିକା ଦେବାକୁ କହିଥିଲେ। ମୁଖ୍ୟ ବିଭାଗରୁ ମୋତେ ଯାହା ନିର୍ଦ୍ଦେଶ ଆସିଥିଲା ମୁଁ ସେୟା କଲି। ମୋର ଭୁଲ୍ କେଉଁଠି ରହିଲା ବୋଲି ସେ ପ୍ରଶ୍ନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
Shocking violation of “One needle, one syringe, only one time” protocol in #COVID19 #vaccination, in Sagar a vaccinator vaccinated 30 school children with a single syringe at Jain Public Higher Secondary School @ndtv @ndtvindia pic.twitter.com/d6xekYQSfX
— Anurag Dwary (@Anurag_Dwary) July 27, 2022
ଆପଣ ଜାଣନ୍ତି ଯେ ଡିସ୍ପୋଜାଲ୍ ସିରିଞ୍ଜ୍ ମାନେ ତାହାକୁ ମାତ୍ର ଥରେ ବ୍ୟବହାର କରାଯାଏ। ମାତ୍ର ଏପରି ଏକ ଘଟଣା ଏବେ ଚାରିଆଡ଼େ ନିନ୍ଦା ପାଲଟିଛି। ଟିକା ଦେଉଥିବା ଜିତେନ୍ଦ୍ରଙ୍କର ଏକ ଭିଡିଓ କରି ଜଣେ ଅଭିଭାବକ ତାଙ୍କ ଟ୍ବିଟର୍ ଆକାଉଣ୍ଟ୍ରେ ସେୟାର୍ କରିଛନ୍ତି। ଭିଡିଓରେ ଦେଖିବାକୁ ମିଳିଛି ଯେ ଜିତେନ୍ଦ୍ର କହୁଛନ୍ତି କି ସେ ଗୋଟାଏ ସିରିଞ୍ଜରେ ୩୦ ଜଣଙ୍କୁ ଟିକା ଦେଇ ସାରିଲେଣି। ତାଙ୍କ ନିକଟରେ ସେଇ ଗୋଟାଏ ସିରିଞ୍ଜ୍ ହିଁ ଅଛି।
ଘଟଣାଟି ହେଉଛି ସାଗର ଜିଲ୍ଲାର। ସାଗର ଜିଲ୍ଲାର ପ୍ରଶାସକ ଜିତେନ୍ଦ୍ରଙ୍କ ନାମରେ ଏକ ମାମଲା ରୁଜୁ କରିଛନ୍ତି। ଏ ନେଇ ଅଧିକ ତଦନ୍ତ ଆରମ୍ଭ ହୋଇଛି। ଏହି ଘଟଣାରେ ସଂପୃକ୍ତି ଥିବା ଅନ୍ୟ ସମସ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ହେବ।