ଇସଲାମବାଦ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନବାଜ ସରିଫଙ୍କ ସ୍ୱାସ୍ଥ୍ୟବସ୍ଥା ବିଗିଡିଯାଇଛି | ଏବେ ସେ ଗୁରୁତର ହୋଇପଡିଥିବାବେଳେ ନବାଜଙ୍କ ପୁଅ ସଂଗୀନ ଅଭିଯୋଗ ଆଣିଛନ୍ତି | ଜେଲରେ ତାଙ୍କ ବାପାଙ୍କୁ ବିଷ ଦିଆଯାଇଥିବାର ନବାଜଙ୍କ ପୁଅ ଅଭିଯୋଗ କରିଛନ୍ତି | ନବାଜ ସରିଫ ବର୍ତ୍ତମାନ ଭ୍ରଷ୍ଟାଚାର ମାମଲାରେ ଲାହୋରର ଲଖପତ ଜେଲରେ ବନ୍ଦୀ ଅଛନ୍ତି |
Sambad is now on WhatsApp
Join and get latest news updates delivered to you via WhatsApp
ନବାଜଙ୍କ ପୁଅ ହୁସେନ ନବାଜ ଅଭିଯୋଗ କରିଛନ୍ତି ଯେ ତାଙ୍କ ବାପାଙ୍କ ଶରୀରରେ ପ୍ଲେଟଲେଟ କମ ହୋଇଯାଇଥିବାରୁ ତାଙ୍କୁ ବିଷ ଦିଆଯାଇଥିବାର ସେ ଅନୁମାନ କରୁଛନ୍ତି | ମଙ୍ଗଳବାର ଆସିଥିବା ମେଡିକାଲ ରିପୋର୍ଟରେ ନବାଜଙ୍କ ଶରୀରରେ ପ୍ଲେଟଲେଟର ସଂଖ୍ୟା ୧୬ ହଜାରରୁ ୨ ହଜାରକୁ ଖସି ଆସିଛି | ଯାହାଫଳରେ ତାଙ୍କ ସ୍ଥିତି ଗୁରୁତର ହୋଇପଡିଛି |
ଏଠାରେ ସୂଚନା ଥାଉ କି ପୂର୍ବରୁ ନବାଜ ସରିଫ୍ଙ୍କ ଝିଅ ମରିୟମ ନବାଜଙ୍କୁ ମଧ୍ୟ ଗିରଫ କରାଯାଇଥିଲା । ମାରିୟମ ଜେଲ୍ରେ ଥିବା ତାଙ୍କ ବାପା ନବାଜ ସରିଫ୍ଙ୍କୁ ଭେଟିବାପାଇଁ ଲାହୋର ଜେଲ୍ ଯାଇଥିବାବେଳେ ଏନ୍ଏବି ତାଙ୍କୁ ଗିରଫ କରିଥିଲା |