ନୂଆଦିଲ୍ଲୀ: କରୋନା ଟେଷ୍ଟିଂ ବଢାଇବାକୁ ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଚିଠି ଲେଖିଛନ୍ତି କେନ୍ଦ୍ର ସରକାର । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଅତିରିକ୍ତ ସଚିବ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସ୍ବାସ୍ଥ୍ୟସଚିବଙ୍କୁ ଏକ ପତ୍ର ଲେଖି ହଟସ୍ପଟ ଅଞ୍ଚଳରେ ସଠିକ୍ ରଣନୀତି ଅବଲମ୍ବନ କରି କୋଭିଡ୍ ଟେଷ୍ଟିଂ ବଢାଇବାକୁ ପରାମର୍ଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
Ministry of Health & Family Welfare asks all States/UTs “to immediately increase testing in a strategic manner keeping in view the trend of case positivity in specific areas in the States/UTs” pic.twitter.com/oHSf8B0Efy
— ANI (@ANI) January 18, 2022
ଗତ କିଛି ଦିନ ହେଲା ଦେଶର କରୋନା ଗ୍ରାଫ୍ ତଳମୁହାଁ ହେବାରେ ଲାଗିଛି । ଗତ ୨୪ ଘଣ୍ଟା ଭିତରେ ଦେଶରୁ ୨.୩୮ ଲକ୍ଷ ପଜିଟିଭ୍ କେସ୍ ଆସିଥିବାବେଳେ, ଗତକାଲି ତୁଳନାରେ ଏହା ୭.୮ ପ୍ରତିଶତ କମ୍ । ଅନ୍ୟପଟେ ରବିବାର ଦେଶରେ ପଜିଟିଭିଟି ରେଟ୍ ୧୪.୭୮ ଥିବା ବେଳେ, ସୋମବାର ଏହା ହ୍ରାସ ପାଇ ୧୩.୧୧ ପ୍ରତିଶତରେ ପହଞ୍ଚିଛି । ଖାଲି ସେତିକି ନୁହେଁ, ଦିଲ୍ଲୀ ଓ ମୁମ୍ବାଇରେ ସଂକ୍ରମଣ ମଧ୍ୟ ତଳକୁ ଖସିଛି । ହେଲେ ଦେଶରେ ସଂକ୍ରମଣ ହ୍ରାସ ପାଉଥିବାବେଳେ, ଟେଷ୍ଟିଂ ମଧ୍ୟ ହ୍ରାସ ପାଉଥିବା ଦେଖିବାକୁ ମିଳୁଛି, ଯାହାକୁ ଦେଖିବା ପରେ ଟେଷ୍ଟିଂ ବଢାଇବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି ।
କରୋନା ଟେଷ୍ଟିଂ କମ ହେବାର କାରଣ, ଆଇସିଏମଆରର ନୂଆ ଗାଇଡଲାଇନ ବୋଲି କୁହାଯାଉଛି । ନୂଆ ଗାଇଡଲାଇନରେ ଆଇସିଏମଆର କହିଛି ଯେ, କରୋନା ପଜିଟିଭ୍ ବ୍ୟକ୍ତିଙ୍କ ସମ୍ପର୍କରେ ଆସିଥିବା ବ୍ୟକ୍ତି ଟେଷ୍ଟିଂ କରିବାର କୌଣସି ଆବଶ୍ୟକତା ନାହିଁ । ତେଣୁ ଲୋକମାନେ ଜାଣିଶୁଣି କୋଭିଡ୍ ରୋଗୀଙ୍କ ସଂସ୍ପର୍ଶରେ ଆସୁଥିଲେ ବି ଟେଷ୍ଟିଂ ନ କରୁଥିବା ଅଭିଯୋଗ ହେଉଛି।