ଠିକଣା ନ ଜଣାଇଲେ ବି ତୁରନ୍ତ ଘଟଣାସ୍ଥଳରେ ପହଞ୍ଚିବ ୧୦୮ ଆମ୍ବୁଲାନ୍ସ : ଗୁଗଲ୍ ସହ ମିଶି ସ୍ୱାସ୍ଥ୍ୟ ମନ୍ତ୍ରାଳୟ କରୁଛି ବ୍ୟବସ୍ଥା
ନୂଆଦିଲ୍ଲୀ: ଏଣିକି ଅଜଣା ଅଚିହ୍ନା ସ୍ଥାନ ବା ସହରରେ ସଡକ ଦୁର୍ଘଟଣାର ଶିକାର ହେଲେ ଆପଣଙ୍କୁ ୧୦୮ ଆମ୍ବୁଲାନ୍ସକୁ ଡାକିବା ପାଇଁ ଆଉ ଲୋକେସନ୍ ଦେବାକୁ ଆବଶ୍ୟକ ପଡ଼ିବ ନାହିଁ । ଯଦି ଆପଣ ସ୍ମାର୍ଟଫୋନ କିମ୍ବା ଫିଚର କୌଣସି ବି ଫୋନରେ କଲ କରନ୍ତି ତେବେ ବି ଆମ୍ବୁଲାନ୍ସ ଆପଣଙ୍କଠାରୁ ବିନା ଠିକଣା ଜାଣି ଘଟଣାସ୍ଥଳରେ ପହଞ୍ଚିଯିବ । ଆକ୍ସିଡେଣ୍ଟ ସ୍ପଟ ପର୍ଯ୍ୟନ୍ତ ପହଞ୍ଚିବା ପାଇଁ ସ୍ୱାସ୍ଥ୍ୟ ମନ୍ତ୍ରାଳୟ ତରଫରୁ ଉଭୟ ଗୁଗଲ୍ ଏବଂ ଟେଲିକମ ସର୍ଭିସ ପ୍ରୋଭାଇଡରଙ୍କ ସହ ବନ୍ଦୋବସ୍ତ କରାଯାଇଛି । ଏଥିପାଇଁ ୧୦୮ କଲ ସେଣ୍ଟର ଅପଡେଟ୍ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଟାୱାର ଜରିଆରେ ଜଣାପଡ଼ିବ କଲରଙ୍କ ଲୋକେସନ୍
ଏହି ବ୍ୟବସ୍ଥା ଅନୁସାରେ ସ୍ମାର୍ଟ ଫୋନରୁ କଲ କରିବା ଦ୍ୱାରା ସ୍ପଟ ଯାଏଁ ପହଞ୍ଚିବା ପାଇଁ ଜିପିଏସର ସହାୟତା ନିଆଯିବ । ସେହିପରି, ଫିଚର ଫୋନରୁ କଲ କଲେ ଟାୱାର ଲୋକେସନ ଜରିଆରେ ଆମ୍ବୁଲାନ୍ସ ଘଟଣାସ୍ଥଳରେ ତୁରନ୍ତ ପହଞ୍ଚିଯିବ । ବିନା ଇଂଟରନେଟ ବାଲା ଫୋନରୁ କଲ କଲେ କଲ ସେଣ୍ଟରକୁ ନିକଟସ୍ଥ ସର୍ଭିସ ପ୍ରୋଭାଇଡରଙ୍କଠାରୁ ଏକ ମେସେଜ ମିଳିବ । ଯେଉଁଥିରେ ଦୁର୍ଘଟଣା ଘଟିଥିବାର ସ୍ଥାନ ସଂପର୍କରେ ପୂରା ତଥ୍ୟ ଉଲ୍ଲେଖ ଥିବ । ଏହାପରେ କଲ ସେଣ୍ଟର, ଫୋନ କରିଥିବା ବ୍ୟଙ୍କିଙ୍କର ଲୋକେସନ ନିକଟସ୍ଥ ଆମ୍ବୁଲାନ୍ସକୁ ଫରୱାର୍ଡ କରିବ, ଯାହାଦ୍ୱାରା ପୀଡିତକୁ ଖୁବ ଶୀଘ୍ର ସୁବିଧା ମିଳିପାରିବ ।
ଏଠାରେ ଆମେ କହି ରଖୁଛୁ କି, ଯଦି ଘଟଣାସ୍ଥଳରୁ ଟାୱାର ୨୦୦ରୁ ୩୦୦ ମିଟରର ଆଖପାଖରେ ରହିଛି ତେବେ ଆମ୍ବୁଲାନ୍ସ ୨୫ ମିନିଟ୍ ଭିତରେ ପହଞ୍ଚିଯିବ । ଉତ୍ତର ପ୍ରଦେଶରେ ଏହାର ପାଇଲଟ ପ୍ରୋଜେକ୍ଟ ସଫଳ ରହିଛି । ୟୁପିରେ ଏହି ସୁବିଧା ଆଗାମୀ ଫ୍ରେବୃଆରିରେ ଆରମ୍ଭ ହୋଇଯିବ । ଏହାପରେ ଦେଶର ବାକି ରାଜ୍ୟମାନଙ୍କରେ ଏହାର ଶୁଭାରମ୍ଭ କରାଯିବ । ଉଲ୍ଲେଖନୀୟ କି, ରାଷ୍ଟ୍ରୀୟ ସ୍ୱାସ୍ଥ୍ୟ ମିଶନ ଅନୁସାରେ ସାରା ଦେଶରେ ୨୫ ହଜାର ଆମ୍ବୁଲାନ୍ସ ଚାଲୁଛି ।