ଲୁଧିଆନା: ବସରେ ଥିଲେ ୫୦ରୁ ଅଧିକ ପିଲା, ଆଉ ହଠାତ ଡ୍ରାଇଭରଙ୍କୁ ହେଲା ହୃଦଘାତ | ତଥାପି ନିଜ ଜୀବନକୁ ଖାତିର ନ କରି ଷ୍ଟିୟରିଂରୁ ହାତ ଛାଡ଼ି ନଥିଲେ | କିଛି ଏଭଳି କାମ କରି ଡ୍ରାଇଭର ଜଣକ ଛାତ୍ରଛାତ୍ରୀଙ୍କ ଜୀବନ ସିନା ବଂଚାଇଦେଇଛନ୍ତି କିନ୍ତୁ ନିଜେ ଜୀବନ ହାରି ଦେଇଛନ୍ତି | ମିଳିଥିବା ସୂଚନା ମୁତାବକ, ଲୁଧିଆନାର ଏକ ସ୍କୁଲର ବସ ଡ୍ରାଇଭର ସବୁଦିନ ଭଳି ଛାତ୍ରଛାତ୍ରୀଙ୍କୁ ନେଇ ସ୍କୁଲ ଯାଉଥିବାବେଳେ ହଠାତ ହୃଦଘାତର ଶିକାର ହୋଇଥିଲେ। ଏହା ପରେ ଡ୍ରାଇଭର ଜଣକ ଯନ୍ତ୍ରଣାକୁ ସହି ଗାଡ଼ିଟିକୁ ରାସ୍ତା କଡ଼କୁ ନେଇ ଛିଡା କରିଦେଇଥିଲେ | ଏହା ପରେ ପରେ ସିଟରେ ବସିଥିବା ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା | ପିଲାମାନେ ଏଭଳି ସ୍ଥିତି ଦେଖି ଭୟରେ ନିଜ ବାପା-ମାଙ୍କୁ ଫୋନ୍ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନା ପାଇବା ପରେ ପୁଲିସ ଘଟଣାସ୍ଥଳରେ ପହଂଚି ଡ୍ରାଇଭରଙ୍କୁ ମେଡିକାଲରେ ଭର୍ତ୍ତି କରିଥିଲା | କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ଏହି ଘଟଣା ପରେ ପିଲାମାନେ ଦୁଃଖରେ ଭାଙ୍ଗିପଡିଛନ୍ତି | ସେମାନଙ୍କ ଜୀବନ ବଞ୍ଚାଇଥିବାରୁ ଡ୍ରାଇଭରଙ୍କୁ ଧନ୍ୟବାଦ ଦେବାକୁ ଚାଁହୁଥିଲେ ବି ଏବେ ସେ ନ ଥିବାରୁ କାନ୍ଦ ଲାଗୁଛି ବୋଲି ପିଲାମାନେ କହିଛନ୍ତି |