ଦୁବାଇରେ ପ୍ରବଳ ବର୍ଷା ହେତୁ ବୁଡ଼ିଲା କାର୍; ବନ୍ଦ୍ ହେଲା ସ୍କୁଲ୍, ଘରୁ କାମ କଲେ ସରକାରୀ କର୍ମଚାରୀ
ନୂଆଦିଲ୍ଲୀ: ଦୁବାଇରେ ପ୍ରବଳ ବର୍ଷା ହୋଇ ରାଜରାସ୍ତାରେ ପାଣିର ଲହଡ଼ି। ଚାରିଆଡ଼େ ପାଣି ହୋଇଥିବା କାରଣରୁ କାରଗୁଡ଼ିକ ପାଣିରେ ବୁଡ଼ି ଯାଇଥିବା ଦେଖିବାକୁ ମିଳିଛି। । ୟୁନାଇଟେଡ୍ ଆରବ ଏମିରେଟ୍ସ ବା ୟୁଏଇର ଏହି ସହର କଥା ଆସିଲେ ମରୁଭୂମିର କଥା ଆସିଯାଏ । ହେଲେ ଏଠାରେ ବି ଦେଖାଦେଇଛି ବନ୍ୟା ପରିସ୍ଥିିତି, ଯାହାକି ନିହାତି ଭାବେ ଏକ ଆଶ୍ଚର୍ଯ୍ୟଜନକ କଥା।
Sambad is now on WhatsApp
Join and get latest news updates delivered to you via WhatsApp
ଦୁବାଇର ବିଭିନ୍ନ ଜାଗାରେ ପାଣି ଜମି ରହିବା ଫଳରେ ବନ୍ୟା ପରିସ୍ଥିତି ଦେଖାଦେଇଛି । ଦୁବାଇ ବିମାନବନ୍ଦରର ଚଳାଚଳକୁ ମଧ୍ୟ କିଛି ସମୟ ପାଇଁ ବନ୍ଦ୍ କରିଦିଆଯାଇଥିଲା । ଗୋଟିଏ ଦିନରେ ଏଠାରେ ୧୨୦ ମିଲିମିଟର ବର୍ଷା ହୋଇଛି ।
ଗୁରୁତ୍ୱପୂର୍ଣ୍ଣ କଥା ହେଲା, ଏଠାରେ ଗୋଟିଏ ବର୍ଷରେ ହାରାହାରି ଏତିକି ବର୍ଷା ହିଁ ହୋଇଥାଏ, ଯାହାକି ଦିନକରେ ହୋଇଯାଇଛି। । ୟୁଏଇରେ ସ୍କୁଲ ଗୁଡ଼ିକ ବନ୍ଦ ରହିଛି । ସରକାରୀ କର୍ମଚାରୀମାରେ ପ୍ରାୟତଃ ଏବେ ଘରୁ କାମ କରୁଛନ୍ତି । ତେବେ ରାସ୍ତାରେ ବନ୍ୟା ଜଳ ନିଷ୍କାସନ ପାଇଁ ଜୋରଦାର ପ୍ରୟାସ ଜାରି ରହିଛି । ପମ୍ପ ଓ ଟ୍ୟାଙ୍କର ଟ୍ରକ୍ ଯୋଗୁଁ ଜଳ ନିଷ୍କାସନ ପାଇଁ ଚେଷ୍ଟା କରାଯାଉଛି । ପଡ଼ୋଶୀ ଦେଶ ଓମାନରେ ମଧ୍ୟ ପ୍ରବଳ ବର୍ଷା ଯୋଗୁଁ ଗତ କିଛି ଦିନରେ ୧୮ ଜଣଙ୍କର ମୃତ୍ୟୁ ହୋଇଥିବାର ଖବର ମିଳିଛି । ସମୁଦ୍ର ଭଳି ଦେଖାଯାଉଥିଲା ବେଳେ ରାସ୍ତାଗୁଡ଼ିକ ନଦୀରେ ପରିଣତ ହୋଇଥିଲା। ବିମାନବନ୍ଦରରେ ପ୍ରାୟ ଅଧ ଘଣ୍ଟା ପାଇଁ ବିମାନ ଚଳାଚଳ ବନ୍ଦ କରି ଦିଆଯାଇଥିଲା।