ଦିଲ୍ଲୀରେ ପ୍ରବଳ ବର୍ଷା, ୧ ମୃତ
ନୂଆଦିଲ୍ଲୀ : ମୁମ୍ବାଇ, ଓଡ଼ିଶା ପରେ ଏବେ ରାଜଧାନୀ ଦିଲ୍ଲୀର ପାଳି । ଦିଲ୍ଲୀରେ ଏବେ ପ୍ରବଳ ବର୍ଷା ହେଉଛି । ଏହା ଫଳରେ ଜନଜୀବନ ପ୍ରଭାବିତ ହୋଇଛି । ଆଜି ସକାଳୁ ଦିଲ୍ଲୀବାସୀ ଉଠିବା ବେଳେ ପ୍ରବଳ ବର୍ଷା ଆରମ୍ଭ ହୋଇଯାଇଥିଲା । ଦିଲ୍ଲୀରେ ପ୍ରବଳ ଗରମରୁ ତ୍ରାହି ମିଳିଥିବାରୁ ଲୋକମାନେ ଖୁସିହୋଇଯାଇଥିଲେ । କିନ୍ତୁ ଧୀରେ ଧୀରେ ବର୍ଷା ପରିମାଣ ବଢିବାକୁ ଲାଗିଲା । ଏତେ ବର୍ଷା ହେଲା ଯେ ରାସ୍ତାଘାଟ ଓ ଡ୍ରେନ ଆଦି ଏକାକାର ହୋଇଗଲା । ରାସ୍ତାରେ ପ୍ରବଳ ଟ୍ରାଫିକ ଜାମ ହୋଇଗଲା । ପ୍ରବଳ ବର୍ଷା ଫଳରେ ଯମୁନା ନଦୀ ଫୁଲିଉଠିଛି ।
Sambad is now on WhatsApp
Join and get latest news updates delivered to you via WhatsApp
ହରିୟାନାର ଯମୁନାନଗର ଜିଲ୍ଲାରେ ଥିବା ହଥନିକୁଣ୍ଡ ବ୍ୟାରେଜ୍ ପକ୍ଷରୁ ପାଣିଛଡାଯିବା ପରେ ସ୍ଥିତି ଆହୁରି ଗମ୍ଭୀର ହୋଇ ବନ୍ୟା ସ୍ଥିତି ଉପୁଜିଛି । ଏହି ପାଣି ଆସନ୍ତା ୭୨ ଘଣ୍ଟାରେ ଦିଲ୍ଲୀରେ ପହଞ୍ଚିବ । ଅନ୍ୟପକ୍ଷରେ ବିଦ୍ୟୁତ ତାର ଛିଣ୍ଡି ପାଣିରେ ପଡିବାରୁ ବିଦ୍ୟ ୁତ ଆଘାତରେ ଜଣେ ଯୁବକ ପ୍ରାଣ ହରାଇଛନ୍ତି । ସରୋଜକାନ୍ତ ଦାସ ନାମକ ଏହି ବ୍ୟକ୍ତି ନିଜ ଝିଅକୁ ସ୍କୁଲରେ ଛାଡି ଫେରୁଥିବାବେଳେ ଏହି ଘଟଣା ଘଟିଥିଲା ।