ଦିଲ୍ଳୀ-ଏନ୍‌ସିଆର୍‌ରେ ପ୍ରବଳ ବର୍ଷା: ଜଳମୟ ହେଲା ରାସ୍ତାଘାଟ, ଟ୍ରାଫିକ୍‌ ସମସ୍ୟା ଆଶଙ୍କା

ନୂଆଦିଲ୍ଲୀ: ମଙ୍ଗଳବାର ସକାଳେ ଦିଲ୍ଲୀ-ଏନସିଆରରେ ପ୍ରବଳ ବର୍ଷା ଏବଂ ବଜ୍ରପାତ ହୋଇ ଅନେକ ସ୍ଥାନ ଜଳମୟ ହୋଇଛି। ରାସ୍ତାଗୁଡ଼ିକୁ ପାଣିରେ ବୁଡ଼ି ରହିଥିବା  ହେତୁ ଯାତ୍ରୀମାନଙ୍କ ପାଇଁ ଟ୍ରାଫିକ୍ ସମସ୍ୟା ସୃଷ୍ଟି ହେବାର ସମ୍ଭାବନା ରହିଛି।

ଆଜି ସକାଳୁ ନୋଏଡା, ଗ୍ରେଟର ନୋଏଡା ଏବଂ ଗାଜିଆବାଦ ସମେତ ଦିଲ୍ଲୀ-ଏନସିଆରର ଅନେକ ଅଂଶରେ ପ୍ରବଳ ବର୍ଷା ହୋଇଛି। କିପରି ଯାତ୍ରୀମାନେ ଜଳମଗ୍ନ ରାସ୍ତାରେ ଅସୁବିଧାର ସମ୍ମୁଖୀନ ହୋଇ ଯାତାୟତ କରୁଛନ୍ତି ତାହାର ଚିତ୍ର ପଂଖା ରୋଡ୍‌ ଫ୍ଲାଏଓଭର୍‌ରୁ ସ୍ପଷ୍ଟ ଦେଖିବାକୁ ମିଳିଛି।

ଭାରତୀୟ ପାଣିପାଗ ବିଭାଗ (ଆଇଏମଡି)ର ପାଣିପାଗ ପୂର୍ବାନୁମାନ ଅନୁଯାୟୀ, ସମଗ୍ର ଦିଲ୍ଲୀ ଏବଂ ଏନସିଆର, ଗାନ୍ନାର, ମେହମ୍, ତୋସାମ, ରୋହତକ, ଭିୱାନି (ହରିୟାଣା), ବାରାଉଟ୍, ଶିଖରପୁର, ଖୁରଜା (ୟୁପି)ରେ ଆଗାମୀ କିଛି ଘଣ୍ଟା ମଧ୍ୟରେ ହାଲୁକା ମଧ୍ୟମ ଧରଣର ବର୍ଷା ସହିତ ବଜ୍ରପାତ ହେବ।

 

ବିଚ୍ଛିନ୍ନ ସ୍ଥାନରେ ମଧ୍ୟ ତୀବ୍ର ବର୍ଷା ହେବାର ଆଶଙ୍କା ରହିଛି। ପାଣିପାଗ ବିଭାଗ ଏହା ମଧ୍ୟ କହିଛି ଯେ ଏନ୍‌ସିଆର୍‌ (ହିନ୍ଦୋନ୍‌ ଏଏଫ୍‌ ଷ୍ଟେସନ୍, ଗାଜିଆବାଦ)ର ସଂଲଗ୍ନ ଅଞ୍ଚଳରେ ପ୍ରବଳରୁ ପ୍ରବଳ ବର୍ଷା ସହିତ ବଜ୍ରପାତ ହେବାର ସମ୍ଭାବନା ଅଛି।

“ଦିଲ୍ଲୀର କେତେକ ସ୍ଥାନ (ଲଜପତ ନଗର, ମାଲବ୍ୟ ନଗଗ, କାଲକାଜୀ, ତୁଗଲକାବାଦ, ଛତ୍ରପୁର, ଇଗ୍ନ‌ୟୁ, ଆୟାନଗର, ଡେରାମାଣ୍ଡି), ଏନ୍ସିଆର (ନୋଏଡା, ଦାଦ୍ରି, ଗ୍ରେଟର ନୋଏଡା, ଗୁରୁଗାଓଁ, ଫରିଦାବାଦ, ବଲ୍ଲଭଗଡ଼)ରେ ହାଲୁକ‌ା ଧରଣର ବର୍ଷା ହୋଇପାରେ।

ସମ୍ବନ୍ଧିତ ଖବର